« ឈ្មោះសាសនាចក្ររបស់ទ្រង់ » ដើម្បីកម្លាំងនៃយុវជន ខែ តុលា ឆ្នាំ ២០២១ ។
ទស្សនាវដ្តី ដើម្បីកម្លាំងនៃយុវជន សារលិខិតប្រចាំខែ តុលា ឆ្នាំ ២០២១
ឈ្មោះសាសនាចក្ររបស់ទ្រង់
មានអត្ថន័យនៅពីក្រោយឈ្មោះដែលព្រះយេស៊ូវគ្រីស្ទបានប្រទានដល់សាសនាចក្ររបស់ទ្រង់ ។
សាសនាចក្ររបស់យើង
សាសនាចក្រ—មនុស្សមួយក្រុមដែលជឿលើអ្វីៗដូចគ្នា និងថ្វាយបង្គំជាមួយគ្នា ។ សាសនាចក្រនេះជារបស់ផងព្រះយេស៊ូវគ្រីស្ទ ។ ទ្រង់បានចាប់ផ្ដើមវា ។ ទ្រង់ដឹកនាំវា ។ វាជារបស់ទ្រង់ ។
ត្រូវបានហៅ
ព្រះយេស៊ូវគ្រីស្ទបានប្រាប់ពួកយើងពីអ្វីដែលទ្រង់មានព្រះទ័យចង់ឲ្យមនុស្សហៅសាសនាចក្ររបស់ទ្រង់ ។ ដូច្នេះហើយ នោះជាអ្វីដែលយើងគួរតែហៅវា—ហើយជាអ្វីដែលយើងគួរតែសុំដោយរាបសាឲ្យអ្នកផ្សេងទៀតហៅវា ។ ឈ្មោះនេះគឺមកពីព្រះយេស៊ូវគ្រីស្ទ ។
ថ្ងៃចុងក្រោយ
ថ្ងៃចុងក្រោយ—ជាជំនាន់ដែលយើងរស់នៅ ជាគ្រាពីមុនការយាងមកជាលើកទីពីររបស់ព្រះយេស៊ូវគ្រីស្ទ ។ ព្រះយេស៊ូវគ្រីស្ទបាននាំសាសនាចក្ររបស់ទ្រង់ត្រឡប់មកផែនដីវិញសម្រាប់ថ្ងៃចុងក្រោយនេះ ។ វានឹងជួយរៀបចំពិភពលោកនេះសម្រាប់ការយាងមកជាលើកទីពីររបស់ទ្រង់ ។
សាសនាចក្រនៃព្រះយេស៊ូវគ្រីស្ទ
( សូមមើល « សាសនាចក្ររបស់យើង » ) ។ នេះគឺជាផ្នែកទីមួយនៃឈ្មោះដែលព្រះអង្គសង្គ្រោះបានប្រទានដល់សាសនាចក្ររបស់ទ្រង់ ។ ទ្រង់ហៅវាថា « សាសនាចក្រ » ដោយសារទ្រង់បានរៀបចំវាឡើង ។ ហើយទ្រង់បានដាក់ព្រះនាមរបស់ទ្រង់នៅលើវា ។
ថ្ងៃចុងក្រោយ
( សូមមើល « ថ្ងៃចុងក្រោយ » ) ។ នេះជាផ្នែកបន្ទាប់ទៀតនៃឈ្មោះសាសនាចក្រ ។ វាបង្ហាញយ៉ាងសាមញ្ញថា នេះជាសាសនាចក្រដែលទ្រង់បាននាំត្រឡប់មកនៅក្នុងថ្ងៃចុងក្រោយនេះ មិនមែនជាសាសនាចក្រដែលទ្រង់បានចាប់ផ្ដើមនៅក្នុងគ្រាមុននោះទេ ។
ពួកបរិសុទ្ធ
ពួកបរិសុទ្ធ—ជាពាក្យមួយដែលមានន័យថា « មនុស្សដែលបរិសុទ្ធ » ។ នេះជាផ្នែកចុងក្រោយនៃឈ្មោះសាសនាចក្រ ។ វានិយាយអំពីសមាជិកនៃសាសនាចក្រ ។ ព្រះយេស៊ូវគ្រីស្ទអាចធ្វើឲ្យយើងស្អាតស្អំ និងបរិសុទ្ធ ។ ហើយទ្រង់ប្រទានដល់យើងនូវព្រះវិញ្ញាណបរិសុទ្ធដើម្បីពង្រឹងយើង កាលដែលយើងព្យាយាមធ្វើនូវអ្វីដែលទ្រង់បានបញ្ជាឲ្យយើងធ្វើ ។ ប្រសិនបើយើងមានសេចក្ដីជំនឿលើទ្រង់ ហើយបន្តព្យាយាម នោះទ្រង់ធ្វើឲ្យយើងបរិសុទ្ធ ។ ទ្រង់ធ្វើឲ្យយើងក្លាយជាពួកបរិសុទ្ធ ។
© 2021 by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly For the Strength of Youth Message, October 2021. Cambodian. 17474 258