Mukenji wa ku ngondo Bua Dikankamika dia Bansonga Ngondo wa Dikumi 2021

Dina dia Ekelezia Wenda

Kudi diumvuija panyima pa dina divua Yezu Kilisto mupesha Ekelezia Wenda.

Yezu Kilisto bu Mulami Muimpa

Dilongesha ne Bipungidi 115:4

4 Bualu nunku ke mua bikidibua ekelezia wanyi mu matuku a ndekelu, mumua ne Ekelezia wa Yezu Kilisto wa Bansantu ba Matuku a Ndekelu.

ekelezia wanyi

Ekelezia—tshisumbu tshia bantu badi bitabija bintu bimua ne batendelela pamua. Ekelezia ewu udi wa Yezu Kilisto. Wakamubangisha. Wakamulombola. Udi Wenda Yeye.

mua bikidibua

Yezu Kilisto wakatuambila mudiye musua bua bantu kubikila Ekelezia Wenda. Nanku ke mushindu utudi ne bua kumubikila—ne mutudi ne bua kulomba bakuabu bua kumubikila. Dina edi ndifuma kudi Yezu Kilisto.

matuku a ndekelu

Matuku a Ndekelu—matuku atudi bikalangana aa; tshikondo tshidi kumpala kua Kulua Kuibidi kua Yezu Kilisto. Yezu Kilisto wakapingaja Ekelezia Wenda kabidi pa buloba bua musangu wa ndekelu ewu. Neambuluisha bua kulongolola ba pa buloba bua Kulua Kuibidi Kuenda.

Ekelezia wa Yezu Kilisto

(Tangila “ekelezia wanyi.”) Etshi tshidi tshitupa tshia kumpala tshia dina divua Mupandishi mupesha Ekelezia Wenda. Wakatshibikila “Ekelezia” bualu wakenza bulongolodi buatshi. Ne wakateka dina Dienda paditshi.

Matuku a Ndekelu

(Tangila “matuku a ndekelu.”) Etshi tshidi tshitupa tshidi tshilondela dina dia Ekelezia. Tshidi tshileja anu ne etshi tshidi Ekelezia udiye mupingaja mu matuku aa, kena wakumpala uvuaye mubangisha nenda mu bikondo bishala to.

Bansantu

Bansantu—muaku udi umvuija “bantu badi bikala batshijila.” Etshi tshidi tshitupa tshia ndekelu tshia dina dia Ekelezia. Tshidi tshiakula bua bidimba bia Ekelezia. Yezu Kilisto udi mua kutusukula ne kutukezula. Ne udi utupesha Nyuma wa Tshijila bua kutukankamika mu kuteta kuetu bua kunemeka mikenji yakatupeshaye. Bituikala ne ditabuja mu Yeya ne tutungunuka kuteta, neatuenza batshijila. Udi utuenza Bansantu.

Bua Biabungi

Bua biabungi pa dina dia Ekelezia, tangila:

• Russell M. Nelson, “The Correct Name of the Church,” Ngondo wa Dikumi 2018 mpungilu munena.

• Russell M. Nelson, “Thus Shall My Church be Called,” Ngondo Muinayi 1990 mpungilu munena.

• Buludiki bua Mifundu, “Church, Name of.”

© 2021 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2021. Tshiluba. 17474 760