“Milfan Raed Ngog ma Gu Manang Raed,” Fan ko Gelngin e Pi’in ni Fal’yangren, Jan. 2022.
Mulwol ni Ngan Thapeg ko biney e Pul ni Fan ko Gelngin e Pi’in ni Fal’yangren, January 2022
“Mifan Raed Ngog ma Gu Manang Raed”
Sasing ni yib ko Getty Images
Bay bingyal’ nikam thamiy ni dariy fam? Bay nikam thamiy ni arrogon nap’an nikam lemnag urngin e gidii’ ni bay u fayleng fa ke sap ko urngin e tu’uf ulan e tharmiy. Gama tafney nag ni fa’anra manangem Got ko gur mini’ nge rogon e yafos rom? Fa’anra arrogon, fare Mulwol rok Moses e fan ngom.
U dakean ba yi’iy ni thapeg, Got e dag ngak Moses urngin ban’en u fayleng nge urngin e gidii’ nra par riy. Woed ni “dabiyag i thi’eg urngin e gidii’ riy ni woed e yaan’ ni bay u mit e day” (Moses 1:28). Me yog Got ngak Moses nike ngongliy e “fayleng ndabiyag i thi’eg urngin” (Moses 1:33)—ni tin nike sunmeg e pag ere fayleng ney.
Sana aw Moses riy nga but’ napan ni guy urngin e pin’ey. Bay nsana kab ko tafney rok: Ngan e tigil’ig ko pin’ey ni kan sunmeg nib bo’or? Nge uw rogon nrayag rok Got ni nge tiyan’ ngay ni fani bo’or?
Fulweg rok Got e ba achichig: “Gubin ban’en ma gu manang urngin.” Uw rogon? “Milfan raed ngog ma gu manang raed” (Moses 1:35). Got e manang ko mini’ Moses, ni woed rogon ni manang uringin fapi bitir rok, ni woed rogon ni manang urngin e tin nike sunmeg. Gubin nib milfan ngak—fapi tu’uf, yaan’, ma rib ga’ ni fapi bitir rok u fayleng. Ya aram fan ni sunmeg e fayleng. Bin nib manemus e thap e ireram fare bin th’abi ga’ e murwel rok Got.
“Ya musap, ireray e muruwel nge fla’ab rog—ni nggu mugu’uluy e yafos ni manemus mug machalbog nag e gidii’” (Moses 1:39).
Woed rogon ni fil Moses ni’ir e ka bang ko fare tonom rok Got, ka’an nge gur nrayag ni nge michuwun’um ngay ni Got e manangem! Ayuwegnem ngam sul ngak e ka bang ko fare tonom rok nge fla’ab rok. Mang fan? Bachan e gur e milfam ngak. Ma dariy ban’en ko biney ndariy fan!
© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Monthly For the Strength of Youth Message, December 2021. Yapese. 18295 905