Rongorongo Ibukin Kakorakoraia Kairake ni Katoa Namwakaina, Beberuare 2022

Karikani Bwai 11–50

Taian Tamanuea

Antai ngaiia ao Bukin Tera a Kakawaki

Tao ko a bae n tia n ongongo taekaia Aberaam, Itaaka, ao Iakobwa. Ti wareka rongorongoia n taainako n Ana Boki Moomon ao ko na bon wareka rongorongoia ngkae ko kamatebwaia te O Tetemanti te ririki aio. Ngkai e turuturu taraakia uakai, a bon bae n rangi n kakawaki, eti anne? Ma tao ko na bae n titirakiniko i bon iroum, “Bukin tera aomata aika teniman aikai ae a maiu ngaa ma ngaa ririki n nako a kakawaki ni boong aikai?” Eang, reken te titiraki aei e mena n taian berita aika tabu aika akea tokiia ao kakabwaia ake e berita te Atua nakoia.

Aberaam

Korotamnei iroun Jarom Vogel

Aberaam bon te burabeti ae korakora. E raoiroi ao man ongeaba nakon ana tua te Atua.

E bwabetitoaki, e karekea te nakoanibonga, ao e kabaeaki nakon buuna ae Nei Taara ibukin te tai ae akea tokina.

E karaoa ana berita ae tabu te Atua ma Aberaam bwa e na mwaiti kanoana ao a na karekei naba kakabwaia are e a tia n reke irouna.

Ana uota bwaninin ana euangkerio Iesu Kristo nakon aban nako te aonaaba.

Itaaka

Itaaka bon natiia Aberaam ao Taara.

Te Atua e tua nakon Aberaam bwa e na anga Itaaka bwa te karea. Aberaam e bati n tangira Itaaka ma e motikia bwa e na ongeaaba nakon te Atua. Ngke Aberaam e nang bon kamatea Itaaka bwa te karea, e roko te anera ni katoka Aberaam. Ongeaabaia Aberaam ao Itaaka nakon te Atua e tei bwa kanikinaean ana Mwakuri ni Kamaiu Ana Rikitemanna te Atua.

E na reke naba iroun Itaaka kakabwaia ake e karekei Aberaam.

Iakobwa

N ai aron naba tamana ma tibuna te unimwaane, e kakaonimaki Iakobwa nakon te Atua.

Ibukin ana kakaonimaki, te Atua e bita aran Iakobwa nakon Iteraera, “te aomata ae totokanikai iroun te Atua” ke “katokanikaia te Atua” (taraa Bible Dictionary, “Iteraera”).

Iakobwa 12 natina mmwaane. Natina aikai ma aia utu a kinaaki bwa ana baronga Iteraera.

Ana Berita te Atua are e karaoia ma Aberaam e reke naba nakon Iakobwa ma natina.

Tamanuea ao Ngkoe

Ngkai ngkoe kaain te Ekaretia, ko riki bwa kanoan Aberaam, Itaaka, ao Iakobwa. Te berita ae tabu are a karaoia ma te Atua e riki bwa am berita!

Iai iroum te kakabwaia ao te tibwanga bwa kona kaota am koaua iroun Te Tia Kamaiu ao n tibwaua te euangkerio.

Tibwangam naba bwa kona kaoiia aomata ni bane bwa a na karaoi man kawakin berita aika tabu ao ni karekei otenati n nakoanibonga. E a tia n taku Beretitenti Russell M. Nelson bwa aio bon kanoan ikotakiia Iteraera ae “bon te kabanea ni kakawaki ni bwai ae e riki iaon te aba n te bong aei” (“Hope of Israel,” [worldwide youth devotional, June 3, 2018], 8, ChurchofJesusChrist.org).

© 2022 iroun Intellectual Reserve, Inc. All rights reserved. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan Monthly For the Strength of Youth Message, February 2022. Kiribati. 18344 859