“Mwet Patriarch: Suc Elos uh ac Efuh Elos Yohk Srihpac.” Nuh ke Kuhiyacn Mwet Fuhsr, Fepweri 2022.
Mwe Fahkwack Nuh ke Kuh luhn Mwet Fuhsr ke kais sie mahlwem, Fepweri 2022
Mwet Patriarch
Sel Eltahl uh ac Efuh Eltahl Yohk Srihpac
Sahp kom oacna lohng kacl Abraham, Isaac, ac Jacob. Kuht riti kaclos inkaiyacn pacl uh ke Puk luhn Mormon ac kom fah lihksreni lohng yohk kaclos ke kom lutlut ke Wuhlweacng Mahtuh ke yac se inge. Ke yohk pacl in lohacng kaclos, elos enenuh in yohk srihpac, pwacye? Tuhsruhk kom ac siyuck sum sifacna pac, “Efuh kuh mwet tolu suc moul ke tausin yac somlah ah yohk srihpac mihsenge?” Koacl, ki nuh ke top nuh kac an oasr lun wuhlweacng ma pahtpaht ac olwelah insewowo ma God El sang nuh selos.
Abraham
Sroal sel Jarom Vogel
Abraham el mwet pahluh na wowo se. El suwohswohs ac ahkostwen nuh ke masap luhn God.
El pacptaislac, eis pristut, ac siliyucki nuh sin muhtwacn kiacl ah Sarah nuh tok ma pahtpaht.
God El oraclah wuhlweacng se nuh sel Abraham muh fahkol fah yohk ac fah eis mwe insewowo se pacna el tuh eis ah.
Elos fah wis fohnlah luhn wosasuc luhn Jisus Kraist nuh ke muhtuhnfacl fin facluh nohfohn.
Isaac
Isaac pa wen se nahtuhl Abraham ac Sarah.
God El fahk nuh sel Abraham in kihsackuhnuhllah Isaac. Abraham el luhngse Isaac tuhsruhk el sulwaclah in ahkos God. Met liki na Abraham el oruh elacn kihsackuhnuhllah Isaac ah, sie lipufacn fahk nuhsel Abraham in tui. Kena lal Abraham ac Isaac in ahkos God sie akucl ke Iwaclah luhn Wen Sefanna nuhtin God.
Isaac el eis olwelah luhn mwe insewowo se pacna oacna Abraham.
Jacob
Oacna pahpah ac pahpah mahtuh tuhmwacl, Jacob el suwohswohs nuh sin God.
Ke srihpen luhlahlfongi lal, Leum El ekuhllah inel Jacob nuh ke Israel, suc kalmac pa “mwet se suc kuhtanglah weluhl God” kuh “lwelah God Elan kuhtanglah” (liye Bible Dictionary, “Israel”).
Oasr tuhlihk mukul 12 nahtuhl Jacob. Wen ekahsr inge ac sucu lalos etweyuck elos muh pa sruf luhn Israel.
Olwelah ma God el oraclah nuh sel Abraham ah ahksasucyeyucklac nuh sel Jacob ac tuhlihk nahtuhl.
Mwet Patriarch ac Kom
Ekihn se mempucr ke Alu uh, kom ipin fahkol Abraham, Isaac, ac Jacob. Olwelah ma elos oraclah sin God ah ma nuh sum!
Oasr sum mwe insewowo ac kunohkohn lom in wis testimoni lom ke Mwet Lahngo ac akacsruhi wosasuc Lal.
Kom oacyacpac pahng in suli mwet nuhkwewa in oraclah ac liyacacng olwelah ac eis akwuck luhn pristut. Prestuhn Russell M. Nelson el fahk lah pa inge ip se ke fahsrweni luhn Mwet Israel, suc “pa yohk srihpac emet ma oasr acn la fin facluh” (“Finsrak luhn Israel,” [worldwide youth devotional, Jun 3, 2018] 8, ChurchofJesusChrist.org).
© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, February 2022. Kosraean. 18344 868