Bek el Buil Kirel a Klisichir a RengeasekKlumech, Ongeru el Buil 2022

Genesis 11–50

Rechedam

Te Reua Techang e Ngera Ultutelel

Ke locha mla remenges a chisel a Abraham, Isaac, me a Jacob. Ke de blechoel el menguiu el kirir er a cheslel a Babier er a Mormon e dirrek el kau a mo remenges a betok el kirir sel bo mosuub er a Chuodel Renged er chelechal rak. Ng kmal klou a osengir a rechad el mo er tir, me te locha kmal meklou a ultutelir, uaisei? Engdi ke locha di kau loker er kau, “Ngera uchul me a retedei el chad el kiliei er a betok er a tal telael el rak ra mla memong le sal klou a ultutelir er chelechal sils?” E leng, sel mo ochotii a nger er tiang a obengkel a ikel diak a ulebengelel telbiil me a yaksok el klengeltengat el Dios a ngilai el mesterir.

Abraham

Sunga er a Jarom Vogel

A Abraham a mle ngarbab el profet. Ng mle melemalt e olengesenges a llechul a Dios.

Ng miltecholb, e nguu a priesthood, e mlo merenged lobengkel a bechil er a Sarah el mo cherechar.

A Dios a rirelii a telbiil lobengkel a Abraham el kmo a rengelekel er a ngarmedad el klebesei a mo obdois e mo ngmai a osisiu el klengeltengat el ngii a olab.

Tir a mo nguu a cherrengelel a ebangkelio er a Jesus Kristo el mora rokui el beluu er a beluulechad.

Isaac

A Isaac a mle ngelekel a Araham me a Sarah.

A Dios a dilu er a Abraham mel nguu a Isaac el mo tenget. A Abraham a betik a rengul er a Isaac engdi ngmililt el mo olengesenges er a Dios. Uchei er a le modars a Isaac, ea anghel a dilu er a Abraham mel terbengii tial omeruul. A Abraham me a Isaac el mle durengrir el olengesenges er a Dios a olangch er sel Tngakireng er a Dita el Ngelekel a Dios.

A Isaac a ngiluu a yaksok er a osisiu el klengeltengat el lolab a Abraham.

Jacob

Kmal di uai a demal me a demal rubak, a Jacob a mle blak a rengul loltirakl er a Dios.

E le uchul a blak el reng er ngii loltirakl, ea Rubak a ngildechii a ngkel a Jacob el mo Israel, el belkul a kmo “tang el ngara klisiich lobengkel a Dios” malechub “a Dios bo loba klisiich” (mesa Bible Dictionary, “Israel”).

A Jacob a mel teruich me a terung a rengelekel sechal. Tirka el ngelekel sechal me a telungalek er tir a blo dodengelterir el kebliil er a Israel.

Sel telbiil er a Dios lobengkel a Abraham a mlukbeches lobengkel a Jacob me a rengelekel.

A Rechedam me Kau

Sel omchedal a Ikelesia, e kau a ngara bliongel el ngelekel a Abraham, Isaac, me a Jacob. A telbiil el riruul lobengkel a Dios a dirrek el mo er kau!

Me kau a oba klengeltengat me a ngerachel el mo ouchais er a klaumerang er kau er a Osobel e omerk er a ebangkelio.

Ke dirrek el mla mokedong el mo olengit er a rokui el chad el mo meruul e oltirakl a telbiil e nguu a chedaol ruoll er a priesthood. President Russell M. Nelson a mla ouchais el kmo tiang a tebedechel a mengideb er a Israel, el ngii “a kot el klou a ultutelel el tekoi el ngarngii er a beluulechad er chelechal sils” (“Hope of Israel,” [worldwide youth devotional, June 3, 2018], 8, ChurchofJesusChrist.org)

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, February 2022. Palauan.18344 881