“Bapatriareka: E ne e le Bo-mang ´Me Hobaneng ho le Bohlokoa,” Bakeng Sa Matlafalo ea Bacha, Hlakola 2022.
Molaetsa oa khoeli Bakeng Sa Matlafalo ea Bacha Hlakola 2022
Bapatriareka
E ne e le Bo-mang ´Me Hobaneng ho le Bohlokoa
Mohlomong u kile oa utloela ka Abrahama, Isaka, le Jakobo. Re bala ka bona hangata Bukeng ea Mormone, ´me mohlomong u tla utloela haholo ka bona ha u ithuta ka Testamente ea Khale selemong sena. Ka tlhokomelo e ngata hakana e lebisitsoeng ho bona, e tlameha ebe ba bohlokoa haholo, na haho joalo? Empa mohlomong u ka ipotsa, “Hobaneng banna ba bararo ba phetseng lilemong tse likete tse fetileng ba le bohlokoa kajeno?” Hantle-ntle, khubu ea karabo eo e itśetlehile ka lilekane tsa hosafeleng le litlhohonolofatso tse tśepisitsoeng tseo Molimo a ba fileng tsona.
Abrahama
Litśoantśo ka Jarom Vogel
Abrahama e ne e le moporofeta e moholo. O ne a lokile ´me a mamela litaelo tsa Molimo.
O ile a kolobetsoa, a fuoa boprista, a tiisoa ka hosafeleng ho Sarai mosali oa hae.
Molimo o ile a etsa selekane le Abrahama hore litloholo tsa hae li tla ba ngata ´me li be le litlhohonolofatso tse tśoanang le tseo a li fumaneng.
Ba tla hasa evangeli ea Jesu Kreste e phethahetseng ho lichaba tsa lefatśe.
Isaka
Isaka e ne e le mora oa Abrahama le Sarai.
Molimo a bolella Abrahama ho etsa sehlabelo ka Isaka. Abraham o ne a rata Isaka, empa a khetha ho mamela Molimo. Pejana feela hore Abrahama a etse sehlabelo ka Isaka, lenyeloi la bolella Abrahama hore a eme. Boikemisetso ba Abrahama le Isaka ba ho mamela Molimo, ke setśoantśo sa Tefelo ea Mora oa Molimo ea Inosi.
Isaka o ile a tśepisoa litlhohonolofatso tse tśoanang le tsa Abrahama.
Jakobo
Joaloka ntat′ae le ntatae-moholo Jakobo o ne a tśepahalla Molimo.
Ka lebaka la botśepehi ba hae, Morena o ile a fetolela lebitso la Jakobo ho la Israele, e leng hore “ea hlolang le Molimo” kapa “Molimo a hlole” (bona bukantsoe ea bibele, “Israele”).
Jakobo o ne a ena le bara ba 12. Bara bana ba ne ba ena le malapa a bona, ´me ba tsejoa e le meloko ea Israele.
Selekane seo Molimo a se entseng le Abrahama se ile sa nchafatsoa le Jakobo le bana ba hae.
Bapatriareka le Uena
Joaloka setho sa kereke, u leloko la Abrahama, Isaka, le Jakobo. Selekane seo ba se entseng le Molimo, se sebetsa ho uena!
U na le tlhohonolofatso le boikarabello ba ho fana ka bopaki ba hau ka Mopholosi le ho hasa evangeli.
U bilelitsoe hape ho mema bohle ho etsa le ho boloka lilekane le ho amohela melao ea boprista. Moetapele Russell M. Nelson o ile a re sena ke karolo ea pokello ea Israele, “e leng ntho e bohlokoa ka hofetisisa e etsahalang lefatśeng kajeno” (“Hope of Israel,” [kopano ea bacha lefatśe lohle, Phuptjoane 3, 2018], 8, ChurchofJesusChrist.org).
© 2022 by Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea Phetolelo: 6/19. Phetolelo ea Monthly For the Strength of Youth Message, Hlakola 2022. Sesotho. 18344 739