Iteiten maram Ren ewe Pochokunen Serafo Porous, April 2022

Ewe Chon Amanau mi Riaffou

Pukuwen ier me mwen an Jises Kraist feitto, Isaiah a fen kuna An riaffou ren ach kewe tipis.

Isaiah 53:3–5

3 I a koput me ketiwengaw me ren aramas; emon mwan mi netipengaw, me mi weweiti riaffou: iwe ita usun sia opono mesach seni i; i a koput, me sise osufonu i.

4 Ewer i a mefi ewe riaffou ururun ita ach riaffou, ewe metek ita sipwe metekini: nge sia ekieki pwe Kot a eriaffou i.

5 Nge i a kinas fan iten ach atai annuk, i a feiengaw fan iten ach angangangaw: kapungun ach kinamwe a nom won I; iwe ren an kewe kinasen opup sia chikar.

koput me ketiwengaw

Nupwen Jises Kraist a feito fonufan, ekkoch aramas ra nuku I, nge napengeni rese nuku I. Ra mwo nge esita I, me chommokng ra oputa I. Nesoponon, aramas ra finata pwe repwe eriaffou I me nieno. (Nengeni 1 Nifai 19:9.)

i a riffouni ach kewe riaffou

Jises Kraist a wata won meinisin ach kewe metek, samau, me apwangapwang. I a fori ei pwe I epwe wor an umoumoch ngenikich me sinei ifa ussun an epwe aniniskich. (Nengeni Alma 7:11–13.)

i a kinas fan iten ach kewe tipis

Jises Kraist a riaffou ren ach kewe tipis. I a fori ei pwe sipwe tongeni musono nupwen sia aier sefan (Nengeni Doctrine and Covenants 18:11; 19:15–19.)

me ren an kewe kinasen opup sia chikar

“Kinasan kewe kinasen opup” ikana An kewe feiengaw. Ekkei ra wewe ngeni meinisin ekkewe riaffou a nikitu ngeni fan itach, a pachonong ewe suputiwen Chaan me An ewe mano. Pokiten Jises Kraist a riaffou fan itach, sia tongeni unusoch sefan. An ewe asoren achasefan a fori an epwe tufich ngeni ach kewe tipis ar repwe musono, Nupwen sia aier sefan me achocho ngeni ne aponueta pwon, I a echikara kich me siwini kich. (Nengeni Mosaia 3:7–11; Ekkewe Nongonongen Achifoua 1:3.)

© 2022 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly For the Strength of Youth Message, April 2022. Chuukese. 18314 901