“Te Tia Kamaiu ae Korakai,” Ibukin Kakorakoraia Kairake, Eberi 2022.
Te Rongorongo ni Katoa Namwakaina Ibukin Kakorakoraia Kairake, Eberi 2022
Te Tia Kamaiu ae Korakai
Bubua ririki n nako imwain rokon Iesu Kristo, E a kaman noora korakaina Itaia.
aki tangiraki ao e ribaaki
Ngke e roko Iesu Kristo nakon te aonaaba, tabeman a onimaki Irouna, ma angiina a bon aki. A bon kakeaa bongana, ao a mwaiti ake a ribaia. N tokin te tai, a rineia aomata bwa E na kammarakaki ao n tiringaki. (Taraa 1 Nibwaai 19:9.)
e anai rawawatara
Iesu e katokaa Iaona marakira ni kabane, aorakira ao mamaarara. E karaoa aio bwa E aonga n nanoangaira ao n ataa arona n buokiira. (Taraa Aramwa 7:11–13.)
e kaikoakaki ibukin ara bure
Iesu Kristo e korakai ibukin ara bure. E karaoa aio bwa e aonga ni kona ni kabwaraaki ara bure ngkana ti raira nanora. (Taraa Reirei ao Berita aika Tabu 18:11; 19:15–19.)
man kataereana ti a kamaiuaki
“Baabangakina” bon ikoakina. Aikai a tei ibukin korakaina ake e rinanona ni kabane ibukira, n ikotaki ma tiinakon Raraana ao Matena. Ibukina bwa e korakai Iesu Kristo ibukira, ti kona ni manga kabwaninaki. Ana anganano e karaoia bwa e na kona ni kabwaraaki ara bure. Ngkana ti rairi nanora ao ni kataia ni kawakin ara berita, E kamarurungiira ao e bitiira. (Taraa Motiaea 3:7–11; Taekan te Onimaki 1:3.)
© 2022 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan Monthly For the Strength of Youth Message, April 2022. Kiribati. 18314 859