“Tus Cawm Seej Raug Txom Nyem,” Ntxiv Dag Zog rau cov Tub Hluas Ntxhais Hluas, Plaub Hlis Ntuj 2022.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Plaub Hlis Ntuj 2022
Tus Cawm Seej Raug Txom Nyem
Ntau pua xyoo ua ntej Yexus Khetos los nyob rau hauv lub ntiaj teb no, Yaxayas tau pom Nws txoj kev raug txom nyem rau peb tej kev txhaum.
saib tsis taus thiab tso pov tseg
Thaum Yexus Khetos tau los rau hauv lub ntiaj teb, ib txhia neeg ntseeg Nws, tiam sis neeg feem coob tsis ntseeg. Lawv tsis pom zoo rau Nws, thiab coob tus ntxub Nws. Thaum kawg, cog neeg xaiv kom muab Nws tsim txom thiab tua. (Saib 1 Nifais 19:9.)
nws ris peb tej kev nyuaj siab
Yexus Khetos ris peb tej kev mob kev nkeeg thiab peb tej kev qaug zog. Nws ua li ntawd kom Nws muaj kev hlub tshua rau peb thiab paub pab peb. (Saib Amas 7:11–13.)
nws raug mob rau peb tej kev ua txhaum
Yexus Khetos tau raug txom nyem rau peb tej kev txhaum. Nws tau ua li no kom peb txais tau kev zam txim thaum peb hloov siab lees txim. (Saib Lus Qhuab Qhia thiab Kev Khi Lus 18:11; 19:15–19.)
nws tej tawv nqaij siav tej kab yog kho kom peb zoo
“Nws tej tawv nqaij siav tej kab” yog Nws qhov txhab. Tej no yog lub cim rau Nws txoj kev raug txom nyem uas Nws ua siab ntev nyiaj rau peb, suav nrog Nws cov ntshav thiab Nws txoj kev tuag. Vim Yexus Khetos raug kev txom nyem rau peb, peb ua tau neeg zoo tag nrho. Nws txoj kev txi ua rau tau peb txais kev zam txim rau peb tej kev txhaum. Thaum peb hloov siab lees txim thiab ua raws li peb tej kev khi lus, Nws kho peb zoo thiab hloov peb lub siab. (Saib Mauxiyas 3:7–11; Tej Nqe Kev Ntseeg 1:3.)
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, April 2022. Hmong. 18314 295