Ti Agsagsagaba a Mangisalakan

Ginasgasut a tawen sakbay ti yaay ni Jesucristo, nakita idin ni Isaias ti panagsagabana para iti basbasoltayo.

nauy-uyaw ken nabaybay-an

Ladawan

Napungo dagiti ima ni Jesucristo

Idi immay ni Jesucristo iti daga, namati Kenkuana ti sumagmamano a tao, ngem kaaduanna ti saan a namati. Linaisda pay Isuna, ken adu ti gimmura Kenkuana. Iti udina, pinili dagiti tao ti nangparparigat ken nangpapatay Kenkuana. Kitaen iti 1 Nephi 19:9.)

sinagabana dagiti ladingittayo

Ladawan

Ni Jesucristo a nakaparintumeng iti Getsemani

Inawat ni Jesucristo iti Bagina dagiti, saem, sakit, ken pagkurangantayo. Inaramidna daytoy tapno maaddaan iti asina kadatayo ken ammona no kasano a matulongannatayo. (Kitaen iti Alma 7:11–13.)

nasugatan gapu kadagiti naglabsingantayo

Ladawan

Ni Jesucristo iti krus

Nagsagaba ni Jesucristo gapu kadagiti basoltayo. Inaramidna daytoy tapno mabalin a mapakawantayo no agbabawitayo. Kitaen iti Doktrina ken Katulagan 18:11; 19:15–19.)

maagasantayo kadagiti pannaplitna

Ladawan

dagiti tao a mangrikrikna iti ima ti nagungar a ni Jesucristo

“Dagiti pannaplitna” isu dagiti sugatna. Itakderan dagitoy ti amin a panagsagaba nga inibturanna para kadatayo, agraman ti panagsayasay ti darana ken ti ipapatayna. Gapu ta nagsagaba ni Jesucristo para kadatayo, maimbagantayo manen. Ti sakripisiona ti mangaramid a posible tapno mapakawan dagiti basoltayo. No agbabawi ken ikarigatantayo ti agtungpal kadagiti katulagantayo, agasannatayo ken balbaliwannatayo. (Kitaen iti Mosiah 3:7–11; Pagannurotan ti Pammati 1:3.)

© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, April 2022. Ilokano. 18314 864