“Mwet Lahngo Kweok,” Nuh ke Kuhiyacn Mwet Fuhsr, Eprel 2022.
Pweng ke Nuh ke Kuh luhn Mwet Fuhsr, Mahlwem nuhkwewa, Eprel 2022
Mwet Lahngo Kweok
Yuc siofok puhs met liki Jisus Kraist el tuhkuh ah, Isaiah el liye na met Kweok Lal ke ma koluk lasr.
koaseyuck ac sruhngwacyuck
Ke Jisus El tuhkuh nuh facluh ah, kuhtuh mwet uh luhlahlfongi Kacl, tuhsruhk inkaiyac ah tiacna. Elos iwen srihk kuhnuhl, ac puhs mwet Sruhngwacl. Sahflahiyac ah, mwet ah sulaclah in ahkkweok Yacl ac unilyac. (Liye 1 Nephi 19:9.)
el us ahsor lasr
Jisus Kraist el eis nuh Fwacl sifacna kweok, mas, ac muhnahs lasr. El oruh ma inge tuh Elan fah pahkomuhtahsr ac etuh lah Elac kahsre kuht fuhkah. (Liye Alma 7:11–13.)
el kihnweta ke ma koluk lasr
Jisus Kraist El kweok ke ma koluk lasr. El oruh ohinge tuh kuht in eis nuhnak muhnahs ke kuht auliyak uh. (Liye Doctrine and Covenants 18:11; 19:15–19.)
ac ke srihngsrihng Lal kuht ahkkweyeyucklac
“Srihngsrihng Lal” pa kihnet Lal. Fihliyucki ma se inge nuh ke kweok Lal nuhkwewa El kuhtanglah nuh sesr, weacng kahklah luhn srah Kacl ac misac Lal. Ke srihpen Jisus Kraist El kweok kacsr uh, kuht kuh in sifil oreklac fohnlah sie pacl tok. Kihsackuhnlah Lal oruh fihsrwacsr nuh ke ma koluk lasr uh in nuhnak muhnahskihnyuck. Ke kuht auliyak ac srihke in liyacacng olwelah lasr, El unweyucklac ac ikihl kuht lac. (Liye Mosiah 3:7–11; Ip Yohk ke Luhlahlfongi 1:3.)
© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, April 2022. Kosraean. 18314 868