Etinda ya Sanza Mpo ya Bokasi bwa Bilenge Sanza ya minei 2021

Mpasi ya Mobikisi

Mibu nkama liboso ya koya ya Yesu Klisto, Yisaya asakolaki mpasi na Ye mpo na masumu na biso.

Yisaya 53:3–5

3 Ye atiolamaki mpe abwakamaki na bato; moto wa mawa, mpe ameseni na mpasi; mpe tobombaki, lokola soko ezalaki, bilongi bya biso na ye; atiolamaki, mpe tokumisaki ye te.

4 Na ntembe te akumbi mpasi na biso, mpe amemi mawa ma biso; nzonkande tomonoki ye aniokwami, abetemi na Nzambe, mpe atungisami.

5 Kasi azokisamaki mpota mpo ya bobuki mobeko bwa biso, mpe, akatamaki mpota mpo ya mabe ma biso; etumbu ya kimia na biso ezalaki likolo na ye; mpe na mapipi ma ye tobikisami.

atiolamaki mpe abwakisamaki

Ntango Yesu Klisto ayaki na mabele, mwa bato bandimelaki Ye, kasi mingi bandimelaki Ye te. Kutu batalaki Ye mpamba, mpe mingi bayinaki Ye. Na nsuka, bato baponaki koniokolo mpe koboma Ye. (Tala 1 Nefi 19:9.)

amemi bampasi na biso

Yesu Klisto akamataki likolo na Ye moko mpasi, maladi, mpe botau na biso. Asalaki oyo mpo ete Ye azwa ngolu likolo na biso mpe koyeba lolenge ya kosalisa biso. (Tala Alma 7:11–13.)

Azokisamaki mpo na bobuki mibeko na biso

Yesu Klisto anyokwamaki mpo na masumu na biso. Asalaki bongo mpo ete tokoka kolimbisama ntango toyamboli. (Tala Doctrine et Alliances 18:11; 19:15–19.)

na mapipi ma ye tobikisami.

“Mapipi na Ye” ezali bapota na Ye. Oyo elimboli mpasi na Ye nyonso ayokaki mpo na biso, mpe lisusu bosopi ya makila na Ye mpe liwa na Ye. Lokola Yesu Klisto ayokaki mpasi mpo na biso, tokoki kobika lisusu. Libonza na Ye esalaki ete masumu na biso makoka kolimbisama. Ntango toyambolaka mpe tomekaka kobatela mayokani na biso, Abikisaka biso mpe abongwanisaka biso. (Tala Mosiya 3:17–11; Biteni ya bondimi 1:3.)

© 2022 by Intellectual Reserve, Inc. Makoki manso mabatelami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, April 2022. Lingala. 18314 639