Molaetsa Go Nonofo ya Banana wa Kgwedi le kgwedi, Moranang 2022

Mmoloki yo o Bogang

Dingwaga tse di makgolo pele ga Jeso Keresete a tla, Isaia o bonetse pele go bogela ga Gagwe dibe tsa rona.

Isaia 53:3– 5

3 O a nyadiwa a ba a ganwa ke batho; monna wa mahutsana, a tlwaetse pelo botlhoko: mme ra mo fitlhela jaaka go ne go ntse difatlhogo tsa rona ; o ne a nyadiwa, mme ra seka ra mo tlotla.

4 Ruri o rwele pelo botlhoko jwa rona, mme o sikere mahutsana a rona: le fa gontse jalo ra mo kaya a bediwa fela, a itewa ke Modimo, mme a bogisiwa.

5 Mme o ne a ntsediwa ditlolo tsa rona dintho, o ne a ketekelwa maikepo a rona: petso ya kagiso ya rona e ne e le mo go ene; mme ka kwatlhao ya gagwe re fodisitswe.

a nyadiwa mme a ganwa

Fa Jeso Keresete a tla mo lefatsheng, batho ba bangwe ba ne ba dumela mo Ene, mme bontsi bo ne jwa seka jwa dumela. Ba ne ebile ba Mo lebela kwa tlase, mme bontsi jwa mo tlhoa. Kwa bofelong, batho ba ne ba tlhopha gore A bogisiwe le go bolawa. (Bona 1 Nefi 19:9.).)

o ne a rwele mahutsana a rona

Jeso Keresete o ne A amogela mo go ene botlhoko jwa rona, bolwetsi, le bokoa. O ne a dira se gore A tle a nne le kutlwelo botlhoko mo go rona le go itse gore O ka re thusa jang. (Bona Alma 7:11–13.)

o ne a ntsediwa ditlolo tsa rona dintho

Jeso Keresete o bogetse dibe tsa rona. O dirile se gore re ka itshwarelwa dibe tsa rona fa re ikwatlhaya. (Bona Doctrine and Covenants 18:11; 19:15–19.)

mme ka kwatlhao ya gagwe re fodisitswe

“Dikiteo tsa gagwe” ke dintho tsa Gagwe. Tse di emela dipogisego tsotlhe tse A di re bogetseng, go akaretsa go tshologa ga madi a Gagwe le loso lwa Gagwe. Kantlha ya gore Jeso Keresete o re bogetse, re ka itekanesiwa gape. Setlhabelo sa Gagwe se dira gore dibe tsa rona di itshwarelwe. Fa re ikwatlhaya mme re eka go tshegetsa dikgolagano tsa rona, O a re fodisa mme a re fetole. (Bona Mosiah 3:7–11; Articles of Faith 1:3.)

© 2022 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa wa Go Nonofo ya Banana wa Kgwedi le kgwedi, Moranang 2022. Setswana. 16987 763