“Ti Agsagsagaba a Mangisalakan,” Para iti Pigsa dagiti Agtutubo, Abr. 2022.
Binulan a Mensahe iti Para iti Pigsa dagiti Agtutubo , Abril 2022
Ti Agsagsagaba a Mangisalakan
Ginasgasut a tawen sakbay ti yaay ni Jesucristo, nakita idin ni Isaias ti panagsagabana para iti basbasoltayo.
nauy-uyaw ken nabaybay-an
Idi immay ni Jesucristo iti daga, namati Kenkuana ti sumagmamano a tao, ngem kaaduanna ti saan a namati. Linaisda pay Isuna, ken adu ti gimmura Kenkuana. Iti udina, pinili dagiti tao ti nangparparigat ken nangpapatay Kenkuana. Kitaen iti 1 Nephi 19:9.)
sinagabana dagiti ladingittayo
Inawat ni Jesucristo iti Bagina dagiti, saem, sakit, ken pagkurangantayo. Inaramidna daytoy tapno maaddaan iti asina kadatayo ken ammona no kasano a matulongannatayo. (Kitaen iti Alma 7:11–13.)
nasugatan gapu kadagiti naglabsingantayo
Nagsagaba ni Jesucristo gapu kadagiti basoltayo. Inaramidna daytoy tapno mabalin a mapakawantayo no agbabawitayo. Kitaen iti Doktrina ken Katulagan 18:11; 19:15–19.)
maagasantayo kadagiti pannaplitna
“Dagiti pannaplitna” isu dagiti sugatna. Itakderan dagitoy ti amin a panagsagaba nga inibturanna para kadatayo, agraman ti panagsayasay ti darana ken ti ipapatayna. Gapu ta nagsagaba ni Jesucristo para kadatayo, maimbagantayo manen. Ti sakripisiona ti mangaramid a posible tapno mapakawan dagiti basoltayo. No agbabawi ken ikarigatantayo ti agtungpal kadagiti katulagantayo, agasannatayo ken balbaliwannatayo. (Kitaen iti Mosiah 3:7–11; Pagannurotan ti Pammati 1:3.)
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, April 2022. Ilokano. 18314 864