Edisana Ima ekedude ke Uduak Ete

Esisit esiode

Etop otode President Dallin H. Oaks

Akpa Ɔnɔitem ke First Presidency

Ndise

mme akamba nkoŋ-koŋ obot adahade-ada ke mme obubit-enyɔŋ

Ke mfiak-men-ndi Ufɔk Abasi Jesus Christ Mme Ndisana Owo Ekpere Edem Usen, nnyin iminyene asaŋa-saŋa ifiɔk ibaŋa uduak eke Ete Heaven nnyin. Emi ɔnɔ nnyin isio-isio usuŋ ndikut uduak eke uwem isɔŋ, edisana ubiere-ikpe eke editienede uwem oro, ye akpatre akaŋa ɔyɔhɔ ubɔŋ eke kpukpru nditɔ Abasi. …

… Ayayarare ikpɔ ukpepnkpɔ eke mfiak-men-ndi Ufɔk Abasi Jesus Christ ekpep ete ke kpukpru nditɔ Abasi—ibɔhɔke eke ekpride emi midikereke ibaŋa mi—ke akpatre eyedisim ndaha obio ubɔŋ. …

… Mkpon-nkan kotu ubɔŋ emi edi obio-ubɔŋ celestial, ebiet emi nnyin idikabakede itie nte Ete nnyin ye Eyen Esie, Jesus Christ.

… Utom mfiak-men-ndi Ufɔk Abasi edi ndiŋwam kpukpru nditɔ Abasi edot ndibɔ se Abasi oyomde nte akpatre akaŋa mmɔ. …

Ata akpan-nkpɔ ɔnɔ nnyin edi Abasi ediyarare ke idinyene ubɔŋ kpɔt oto ke edinim mme ediomi eke ndɔ nsinsi ke ufɔt erenowo ye ŋwan. Edisana ukpepnkpɔ emi edi ntak eke nnyin ikpepde ete ke “oruk-owo edi ata-akpan mbiet eke uwem oko, uwem emi, ye nsinsi idiɔŋɔ ye ntak” [“Ufɔkemana: Etop emi enɔde Ererimbot,” ChurchofJesusChrist.org]. …

… Nnyin isɔŋɔ ete ke etop ufɔkemana, emi ekesiakde edori ke eti ukpepnkpɔ, owut mme oruk ebuana ufɔkemana emi ata akpan ndaha emi nsinsi nkɔri nnyin ekemeke nditibe. …

… Ana nnyin iyom ndibuana mme nsinsi akpanikɔ emi ye mbio efen. Edi ye ima eke nnyin inyenede inɔ ofuri mbɔhiduŋ nnyin, nnyin ke kpukpru ini iyeda ke ubiere mmɔ. Nte prophet kiet eke Ŋwed Mormon ekekpepde ke, nnyin inyene ndika iso ye nsɔŋɔ nda, inyene “ima emi otode Abasi ye mme owo” [2 Nephi 31:20].

© 2022 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Liahona eke ofuri ofiong, May 2022. Efik. 18351 553