Mapag-on sa tunga sang mga Unos

Mga Bahin (Excerpts)

Pangulong Henry B. Eyring

Ikaduhang Manuglaygay sa Unang Pangulohan

Litrato

parola

Sa aton nga nagakabalaka para sa aton kaugalingon kag sa mga pinalangga naton, may paglaum sa promisa nga ginhimo sang Dios parte sa lugar nga hilway sa katalagman sa tunga sang mga unos. …

Ang mapanagnaon nga mga pulong ni Haring Benjamin magamit naton sa aton panahon. …

Gin-agda niya ang iya katawhan kag kita nga magpasad sa solo nga bato sang kahilwayan (sa katalagman), nga amo ang Manluluwas. Ginklaro niya nga libre kita nga magpili sa tunga sang husto kag sayop kag nga indi naton malikawan ang mga konsikwensya sang aton mga pagpili. …

Ang aton mga kinaugali magaliwat kag mangin pareho sang gamay nga bata, masinulundon sa Dios kag mas mapinalanggaon. Ina nga pagbag-o magatugot sa aton nga mabaton ang mga dulot nga nagaabot paagi sa Balaan nga Espiritu. Ang pagpakig-upod sang Espiritu magapaumpaw, magagiya, kag magapabakod sa aton. …

Kon mag-abot ang mga unos sang kabuhi, sarang kamo nga mangin mabakod tungod nagatindog kamo sa bato sang inyo pagtuo kay Jesucristo. Ina nga pagtuo magadala sa inyo sa paghinulsol adlaw-adlaw kag sige-sige nga pagtuman sang mga kasugtanan. Dayon dalayon ninyo Sia nga madumduman. Kag sa tunga sang mga unos sang pagdumot kag kalainan, makabatyag kamo nga mabakod kag puno sang paglaum. …

… Pareho sang mapailubon kag mapinalanggaon nga bata, batuna ang Iya bulig. Maghimo kag tumana ang mga kasugtanan nga Iya ginatanyag sa Ang Simbahan ni Jesucristo sang mga Santos sa Ulihing mga Adlaw. Pabakuron kamo sang mga ini. Nahibal-an sang Manluluwas ang mga unos kag ang mga lugar nga hilway sa katalagman sa dalanon pabalik sa Iya kag sa aton Amay nga Langitnon. Nahibal-an Niya ang dalan. Sia ang Dalan.

© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Liahona Message, May 2022. Hiligaynon. 18351 861