Finata

Joshua a pesei noun kewe aramas repwe finata mi pung—ne tapweno mwirin ewe Samon.

finata

Ach tufichin finata me angang won pusin ach sia eita ngeni pungun finata. Eu auchean kinikin me non an Samach won Nang we kokkot. Eu popun ren ei manau pwe sipwe pwarano pwe sipwe finata ne anneasosichi an Kot kewe annuk pwe sipwe tongeni winiti usun chok I. Sipwe kapung anongonong won ach finata. (Nengeni 2 Nifai 2:27; Doctrine and Covenants 101:78; Abraham 3:25.)

ei ran

Joshua a pesei noun kewe aramas repwe finata “ikenai,” ika iei chok. Sia tongeni fori ekkoch auchean finata me sotuni ne manauenir. (Nengeni Konupin 37:5.)

angang

Non ei uwekisin, ne angang wewen sipwe pini, anisi, aneasosich, me apungano inisich ngeni emon. Sipwe angang ngeni ewe Samon (nengeni Moses 1:15).

ekkewe kot

Israel a angei annuk pwe epwe chok angang ngeni ewe emon Kot mi ennet me manau, Jises Kraist (nengeni Exodus 20:2–5). Joshua a watiw ekkoch awewe ren ekkewe kot noun kewe aramas resap pin ngeni. Ekkoch kot non manauach a pwan tongeni pachenong mettoch kich mi pisekini , ewe ekiek ren ekkoch, ekkoch mochen—mettoch minne epwe atowawa kicheno seni ewe Samon.

ngang me chon non imwei

Joshua a kapas fan itan me chon non imwan we. A apasa pwe repwe angang ngeni ewe Samon. A mochen epwe emweni an famini non wenechar me aitir repwe tapweno mwirin ewe Samon (nengeni Doctrine and Covenants 93:40).

© 2022 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous ren ewe Pochokune Sarafo Iteiten Maram, June 2022. Chuukese. 18315 901