San Mu Yi

Joshua hyɛɛ no nkorɔfo no dɛ wɔnyɛ nsanmuyi a ɔtsen—dɛ wɔbɛkã Ewuradze do.

San mu yi

Hɛn ahom dɛ yetum san mu yi na yedzi dwuma ma hɛnho no nye nyimpa ne pɛ. Ɔyɛ dza ohia a ɔkã Ɔsor Egya ne nhyehyɛɛ ho. Abrabɔ yi no botae kor nye ɔkyerɛ dɛ yɛbɛsan mu eyi dɛ yebetsie Nyankopɔn ne mbrasɛm ama yɛabɛyɛ tse dɛ Ɔno yie. Wobobua hɛn atsɛn dɛ mbrɛ hɛn nsanmuyi horow tse. (Hwɛ 2 Nephi 2:27; Nkyerɛkyerɛ na Ahyɛmudzi 101;78; Abraham 3:25.)

da yi

Joshua hyɛɛ no nkorɔfo no dɛ wɔnsan mu nyi “da yi,’’ anaa seseiara. Yebotum ayɛ nsanmuyi horow a ohia prɛko pɛr na afei yɛabɔ mbɔdzen esi pi wɔ ho. (Hwɛ Ndwom 37:5.)

som

Nyiyimu yi mu no, ibɔsom n’asekyerɛ dɛ sɔr, boa, dzi do, na tu woho si hɔ ma obi. Ɔwɔ dɛ yɛsom Ewuradze (hwɛ Moses 1:15).

enyame

Nna wɔhyɛ Israel mbra dɛ wɔnsom Nyankopɔn tseasefo nokwafo, Jesus Christ nkotoo (hwɛ Exodus 20:2–5). Joshua maa enyame binom mfatoho ahorow a onnyi dɛ no nkorɔfo sɔr hɔn. Enyame bi a wɔwɔ hɛn abrabɔ mu botum ayɛ ahonyadze, binom hɔn adwenkyerɛ, enyikadze bi—biribiara a oyi hɛn fi Ewuradze hɔ.

emi na me fie

Joshua kasae maa noho na ne fiefo. Ɔkãa dɛ wɔbɔsom Ewuradze. Nna ɔpɛ dɛ odzi n’ebusua baano wɔ tsenenee mu na ɔkyerɛkyerɛ hɔn dɛ wɔnka Ewuradze do (hwɛ Nkyerɛkyerɛ na Ahyɛmudzi 93:40).

© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, June 2022 ne nkyerɛasee. Fante. 18315 502