“Xaiv,” Ntxiv Dag Zog rau cov Tub Hluas Ntxhais Hluas Rau Hli Ntuj 2022.
Zaj Lus hauv phau Ntxiv Dag Zog rau cov Tub Hluas Ntxhais Hluas Txhua Hli, Rau Hli Ntuj 2022
Xaiv
Yausuas tau yaum nws cov neeg kom xaiv qhov yog—coj raws li tus Tswv.
xaiv
Peb txoj kev txawj xaiv thiab ua tej yam peb tus kheej hu ua kev ywj siab xaiv. Qhov no yog ib qho tseem ceeb ntawm peb Leej Txiv Saum Ntuj Ceeb Tsheej txoj hau kev. Ib lub hom phiaj ntawm lub neej no yog qhov uas peb yuav tsum ua tej yam kom qhia tias peb yuav xaiv ua raws li Vajtswv cov lus txib kom peb thiaj li hloov los ua neeg zoo li Nws. Yuav txiav txim rau peb raws li tej yam uas peb xaiv. (Saib 2 Nifais 2:27; Lus Qhuab Qhia thiab Kev Khi Lus 101:78; Anplaham 3:25.)
hnub no
Yausuas tau hais kom nws cov neeg xaiv “hnub no,” los sis tam sim no. Peb muaj peev xwm xaiv tej yam tseem ceeb ib zaug xwb ces sim ua raws nraim li tej yam ntawd. (Saib Phau Ntawv Nkauj 37:5.)
pe hawm
Nyob hauv nqe no, kev pe hawm txhais tias yus teev tiam, ua hauj lwm pab, mloog lus, thiab tso siab rau ib tug neeg. Peb yuav tsum pe hawm tus Tswv (saib Mauxes 1:15).
vaj tswv
Twb tau txib kom Ixayees pe hawm tus Vajtswv uas muaj tseeb thiab muaj txoj sia, Yexus Khetos, ib leeg xwb (saib Khiav Dim 20:2–5). Yausuas tau hais yam ntxwv txog lwm tus vaj tswv uas nws cov neeg yuav tsum tsis txhob yuav. Lwm tus vaj tswv hauv peb lub neej yog peb tej khoom, lwm tus tej kev xav, lwm yam uas peb nyiam—tej yam twg uas ua rau peb txav deb ntawm tus Tswv mus.
kuv thiab kuv tsev neeg
Yausuas tau hais txog nws thiab nws tsev neeg. Nws hais tias lawv yuav pe hawm tus Tswv. Nws xav coj nws tsev neeg ua ncaj ncees thiab qhia lawv kom coj raws li tus Tswv (saib Lus Qhuab Qhia thiab Kev Khi Lus 93:40).
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, June 2022. Hmong. 18315 295