Ozi Maka Ume nke Ndị Ntoroọbịa Kwa Ọnwa, Jun 2022

Họrọ

Jọshụwa rịọsiri ndị ya arịrịọ ike ịhọrọ ihe ziri ezi—isoro Onye Nzọpụta.

Joshua 24:15

15 Ma ọ bụrụ na ya eyie ihe ọjọọ nye unu ife Onyenwe anyị ofufe, họrọ nụ n’ụbọchị taa onye unu ga-efe ofufe; ma ọ bụ chi ndị nke ndị nna nna unu fere ndị nọọrọ n’ofe ide mmiri nke ọzọ, ma ọ bụ chi ndị nke ndị Amọraị, ndị nwe ala unu bi niime ya: mana maka mụ na ezi na ụlọ m, anyị ga-efe Onyenwe anyị ofufe.

họrọ

Ike anyị nwere iji họrọ ma meere onwe anyị ihe bụ ihe a kpọrọ ohere nhọrọ. Ọ bụ akụkụ dị mkpa na atụmatụ nke Nna nke Eluigwe. Otu ebumnuuche nke ndụ nke a bụ igosi na anyị ga-ahọrọ irube isi n’iwu niile nke Chineke nke ọ ga-abụ na anyị ga-enwe ike dịkarịa ka Ya. A ga-ekpe anyị ikpe dị ka otu nhọrọ anyị siri dị. (Lee 2 Nịfaị 2:27; Ozizi na Ọgbụgba ndụ niile 101:78; Abraham 3:25.)

ụbọchị nke a

Jọshụa rịọsiri ndị ya arịrịọ ike ịhọrọ “ụbọchị nke a,” ma ọ bụ ugbu a. Anyị nwere ike ịhọrọ ihe ndị dị mkpa otu ugboro ma mgbe ahụ gbalịa iguzosi ike na ha. (Lee Abụ ọma 37:5.)

ije ozi

Na amaokwu nke a, ije ozi pụtara ife ofufe, inye aka, irube isi, na inyefe onwe gị nye onye ọzọ. Anyị kwesịrị ife Onyenwe anyị ofufe (lee Moses 1:15).

chi niile

Enyewo Israel iwu ife naanị ezi Chineke dị ndụ, Jizọs Kraịst ofufe (lee Ọpụpụ 20:2–5). Jọshụwa nyere ọmụmaatụ niile banyere chi ndị ọzọ nke ndị ya na-agaghị efe. Na ndụ anyị chi ndị ọzọ nwere ike gụnye ihe ndị enwere, echiche niile nke ndị ọzọ, ihe ndị ọzọ na-amasị mmadụ—ihe ọbụla na-ewepụ anyị site n’ebe Onyenwe anyị nọ.

mụ na ezi na ụlọ m

Jọshụwa kwuru okwu maka onwe ya na ndị otu ezi na ụlọ ya. Ọ sịrị na ha ga-ejere Onyenwe anyị ozi. Ọ chọburu idu ezi na ụlọ ya n’ezi omume ma kuziere ha isoro Onyenwe anyị (lee Ozizi na Ọgbụgba ndụ niile 93:40).

© 2022 site n’aka Intellectual Reserve, Inc. All rights reserved. Ebipụtara na USA. Nnabata n’asụsụ Bekee: 6/19. Nnabata ntụgharị asụsụ: 6/19. Ntụgharị asụsụ nke Ozi Maka Ume nke Ndị Ntoroọbịa Kwa Ọnwa, Jun 2022. Asụsụ. 18315 593