“Hitamo,” Ku bw’Imbaraga z’Urubyiruko, Kamena 2022.
Ubutumwa Ngarukakwezi Ku bw’Imbaraga z’Urubyiruko , Kamena 2022
Hitamo
Yosuwa yashishikarije abantu be gukora amahitamo meza—gukurikira Nyagasani.
hitamo
Ubushobozi bwacu bwo kwihitiramo no kwikorera ubwacu bwitwa amahitamo Ni igice cy’ingirakamaro cy’umugambi wa Data wo mu Ijuru. Intego imwe y’ubu buzima ni ukwerekana ko tuzahitamo kumvira amategeko y’Imana kugira ngo dushobore guhinduka nka We. Tuzacirwa urubanza hashingiwe ku mahitamo yacu. (Reba 2 Nefi 2:27; Inyigisho n’Ibihango 101:78; Aburahamu 3:25.)
uyu munsi
Yosuwa yashishikarije abantu be guhitamo “uyu munsi,” cyangwa aka kanya. Dushobora gukora amahitamo y’ingirakamaro rimwe hanyuma tukagerageza kuyiyemeza. (Reba Zaburi 37:5.)
korera
Muri uyu murongo, gukorera bisobanura guhimbaza, gufasha, kumvira, ndetse no kwitangira umuntu. Dukwiye gukorera Nyagasani (reba Mose 1:15).
imana
Isirayeli yategetswe gukorera Imana y’ukuri kandi nzima gusa, Yesu Kristo (reba Kuva 20:2–5). Yosuwa yatanze ingero z’izindi mana abantu be badakwiye guhimbaza. Izindi mana mu buzima bwacu zishobora kuba imitungo, ibitekerezo by’abandi, izindi nyungu—ikintu cyose kitujyana kure ya Nyagasani.
njye n’inzu yanjye
Yosuwa yavugaga we ubwe n’abo mu rugo rwe. Yavuze ko bazakorera Nyagasani. Yashakaga kuyobora umuryango we mu bukiranutsi no kubigisha gukurikira Nyagasani (reba Inyigisho n’Ibihango 93:40).
© 2022 na Intellectual Reserve, Inc. All rights reserved. Cyacapiwe muri Leta Zunze Ubumwe z’Amerika. Ukwemerwa mu Cyongereza: 6/19. Ukwemerwa k’ubusemuzi: 6/19. Ubusemuzi bwa Monthly For the Strength of Youth Message, June 2022. Kinyarwanda. 18315 716