“Saankayo nga Agbuteng, Adda Kadakayo ti Apo,” Para iti Pigsa dagiti Agtutubo, Hulio 2022.
Binulan a Mensahe iti Para iti Pigsa dagiti Agtutubo , Hulio 2022
Saankayo nga Agbuteng—Adda Kadakayo ti Apo
Manipud iti Oktubre 2018 a mensahe iti sapasap a komperensia.
Saan a kabarbaro ti panagbuteng. Manipud pay idi nagkauna a panawen, ti buteng ti nangpabassit iti pannirigan dagiti annak ti Dios. Iti 2 Ar-ari, nangibaon ti ari ti Siria iti sangaarbaan a mangtiliw ken mangpapatay ken ni propeta Eliseo.
“Ket idi a bimmangon a nasapa di tagabu ni [Eliseo], ket rimmuar, adtoy, ti buyot agraman kabkabalio ken luglugan nailakubda iti ili. Ket di tagabu ni [Eliseo] kinunana kenkuana, Ay, Apok! Kasanonto ti aramidentayo?” (2 Ar-ari 6:15).
Nagbuteng iti dayta a panangisao.
“Ket insungbat ni [Eliseo], Dika agbuteng: ta ad-aduda dagiti adda kadatayo ngem kadagiti adda kadakuada.
“Ket ni Eliseo nagkararag, ket kinunana, Agdawatak kenka O Jehova, a luktam koma dagiti matana, tapno makitana koma. Ket ni Jehova linuktanna dagiti mata di agtutubo a lalaki; ket kimmita: ket adtoy a di bantay a napno kadagiti kabkabalio ken luglugan nga apuy iti aglikmut ken Eliseo” (2 Ar-ari 6:16–17).
“Mabalin nga awanantayo man iti luglugan nga apuy a naibaon tapno mangpukaw kadagiti butengtayo ken mangparmek kadagiti demoniotayo, ngem nalawag ti adalen. Adda ti Apo kadatayo, pampanunotennatayo ken bembendisionannatayo kadagiti wagas nga Isu laeng ti makaaramid.
No sireregtatayo nga agtalek iti Apo ken kadagiti wagasna, no makiramantayo iti aramidna, ditayto agbuteng kadagiti pagduyosan ti lubong wenno mariribukantayo kadagitoy. Ti Apo bambantayannatayo, ay-aywanannatayo, ken agtaktakder iti sibaytayo.
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, Hulio 2022. Ilokano. 18298 864