“Lak Komedakt, a Rubak a Obengkem,” Kirel a Klisichir a Rengeasek, Ongeuid el buil 2022
Klumech er a bek el buil Kirel a Klisichir a Rengeasek, Ongeuid el buil 2022
Lak Komedakt—a Rubak a Obengkem
Mla er sel klumech er a Ongeteruich el buil 2018 klou el ongdibel.
A dakt a diak el beches el tekoi. Sera taem er a irechar, e a dakt a mirrob a osengir a rengelekel a Dios. Ngara 2 Kings, e a King er a Syria a uleldurech er arechedal er a mekemad el mo mengelbus e omekoad er a profet el Elisha.
“Sera lomkokl el mekiis a mesiungel a [Elisha], e lorael el mong, e ng uaisei, e a merredel a mla liueklii a beluu el olab a uos me a soldau. E a ta er a mesiungel a [Elisha] a millekoi er ngii, Kabong, e Mastang! ngera kede mo rullii?” (2 Kings 6:15).
Tia ulebengkel a dakt el cheldecheduch.
“A [Elisha] ulenger, Lak ko medakt: a re obengked a lmuut el betok e ra re obengkir
“A Elisha a milluluuch, e milekoi, Rubak, ak meluluuch er kau, bo bok a medal, me bol sebechel omes. Ea Rubak a milok a medal a ngeasek el sechal; e ng miles: e, mesa, a rois a mle meseked er a uos me a soldau el oba ngau el meliuekl er a Elisha” (2 Kings 6:16–17).
Kid a locha diak a uos me a resoldau el olab a ngau el modurokl el me mengeroid a dekteled e mo mesisiich er a cherreued, e ng di a suobel a bleketakl. A Dios a obengked, e medengelkid, e omekngeltengat er kid er a teletael el di Ngii a sebechel.
Se el sekum e kid a melemolem el oumerang er a Rubak me a Teletelel, omko e kid a ulsiseb er a Urelel, e kid a mo diak demedakt aike el teletael er a beluulechad me a ka bode chuarm el kirel. A Rubak a mengkerenged, e omecheliu er kid, e dechor bita er kid.
© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, July 2022. Palauan. 18298 881