“Dehr Masak, Kauno ieiang uhk,“Ong Kakelepen me Pwulopwul kan, Sulahi 2022
Padahk en Sounpwong kan Ong Kakehlepen me Pwulopwul kan,Suhlai 2022
Dehr Masak—Kauno ieiang Uhk.
Sang ehu padahk nan kapokon lap en Okotohpe 2018.
Masak sohte kapw. Nan mwein kawa ko, Nan 2 Nanmwariki kan, nanmwariki en Siria kadaredohr pwihn suwed kei en koledi oh kemehla soukohp Elaisa.
“Oh ansou me ladu en [Elisha] pirida mwadang, oh kolahr, mwowe, oh kilangadahr kanihmwo ki oahs kan oh mehn dakadak kan. Eri [nein Elisha] ladu o ahpw kosoia iong, Maing, ai kaun! dahme kitail pahn wia?“ (2 6:15).
Met duwen masepwehk ah kin kosoi.
“Eri [Elisha] sapengki, Ke dehr masak: pwehki irail akan me iang kitail inenen totohsang irail akan me iang irail.
“Elaisa ahpw kapakap, oh kosoia, maing ai Kaun, ih kapakapkiong komwi, en kapehdpeseng mese kan, pwe en kak kilang. Oh Kauno ahpw kapehdpeseng mesen pwutak pwulopwulo; oh e kilangadahr wasa: oh, kilang, me nahnahu direkihla oahs oh uhmwpwul en kisiniei kapilpene Elisha.“(2 Kings 6:16–17).
Kitail mwein sohta iang ahneki mehn dakadak en kisiniei me pekederdo pwe en kihsang atail masepwehk oh powehdi atail pali suwed akan, ahpw padahk wet inenen sansal mehlel. Kauno ieiang kitail, medemedewe kitail, oh kapai kitail da nan ahl ekei me Ih kelehpw kak wia.
Ma kitail pahn nantihlate oh kopworopworki Kauno oh Sapwelime ahl akan, ma kitail pahn nantiong nan Sapwelime dodohk, kitail pahn sohte masak suwed akan en sampah de pwunodikin irail. Kauno wie mamahsani kitail, apwapwalih kitail, oh ieiang kitail.
© 2022 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwepen Padahk en Sounpwong kan Ong Kakehlepen me Pwulopwul kan, Suhlai 2022, Mahsen. 18298 000