“Dab Mu Rus—Ya Somoel e bay Rom,” Fan ko Gelngin e Pi’in ni Fal’yangren, July 2022.
Mulwol ni Ngan Thapeg ko biney e Pul nifan e Fan ko Gelngin e Pi’in ni Fal’yangrenko July 2022
Dab Mu Rus—Ya Somoel e bay Rom
Yib ko mulwol ko October 2018 welthin ko general conference.
Rus e gathi ban’en nib be’ech. Ku kakrom i yib, mu rus e ma achig nag e tafney ko pi fak Got. Ulan e 2 Kings, fare pilung nu Syria e l’og e salthaw rok’ ni ngar koled ngar li’ed fare profet i Elisha.
“Ma ri kab kadbul me od e tapigpig rok [Elisa] nge yan nga wean, me guy nike longobiy e salthaw nu Syria e binaw ni bay e os nge chariot riy. Me sul fare tapigpig ngak [Elisa] me ga’ar, “Masta, kad gafgowgad, mang e ngad rin’ed?” (2 Kings 6:15).
Irreram rogon e numon ko mu rus.
“Me fulweg [Elisha] ni ga’ar, “Dab mu rus: ya kab pire’ e pi’in ni bay u ba’ rodad ko pi’in ni bay u ba’ rorad.”
“Me meybil Elisa ni ga’ar, “SOMOL, mu bing owchen e tapigpig rog nge guy. Me pingeg Somol e changar rok fare tapigpig; me guy: nge, musap, fare burey nib sug ko os nge chariot nnifiy nib liyeg e gin’en ni bay Elisa riy” (2 Kings 6:16–17).
Bay ni ba’ fa bay ndariy fapi chariot nnifiy ni kan pii’ ni nge chuweg e mu rus rodad me gel ko fapi kireb rodad, machane michib ko biney e rib tamilang rogon ni ran nangfan. Somoel e bay rodad, gadad bay u waen’, me be tawa’ath nag dad ni kemus ni’ir e rayag ni nge rrin’ ni arram rogon.
Fa’anra be pagan’dad ngak Somoel nge kanawo’en, ma fa’anra gadad be un ko muruwel rok’, ma dab da rus gad ko pi n’en ni be buchbuch u fayleng. Somoel e be matanngiy dad, ma be ayuweg dad, ma bay nib sak’iy u barba’ rodad.
© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ni Mulwol ni Ngan Thapeg ko biney e Pul nifan e Fan ko Gelngin e Pi’in ni Fal’yangren, ko July 2022. Yapese. 18298 905