බිය නොවන්න—ස්වාමින්වහන්සේ ඔබ සමඟය

වැඩිහිටි රොනල්ඩ් ඒ. රස්බැන්ඩ් විසින්

ප්‍රේරිතවරුන් දොළොස්දෙනාගේ ගණපූරණයේ

රූපය

රොනල්ඩ් ඒ. රස්බැන්ඩ්

2018 ඔක්තෝම්බර් ප්‍රධාන සම්මන්ත්‍රණ කතාවක් ආශ්‍රයෙනි.

බිය කියන්නේ අළුත් දෙයක් නොවේ. අතීතයේ පටන්ම බිය නිසා, දෙවියන්වහන්සේගේ දරුවන්ගේ දෘෂ්ටිකෝණය සීමා වී තිබෙනවා. 2 රාජාවලියේ, සිරියාවේ රජු අනාගතවක්තෘ එලිෂාව අල්ලා මරා දැමීමට මහා සේනාවක් එවා තිබුණා.

“තවද [එලිශාගේ] සේවකයා වේලාසනින් නැගිට පිටතට ගිය කල, බලන්න, හමුදාවක්, අශ්වයන් හා රථ ඇතිව නුවර වටේට සිටිනු දුටුවේය. එවිට [එලිශාගේ] සේවකයා ඔහුට මෙසේ පැවසුවේය, අහෝ! ස්වාමීනි, අපි කුමක් කරමුද?” (2 රාජාවලිය 6:15).

ඒ කතාකරන්නේ බිය.

“තවද එලිශා මෙසේ පිළිතුරු දුන්නේය, “භය නොවන්න: මක්නිසාද ඔවුන් සමග සිටින්නන්ට වඩා අප සමග සිටින්නෝ බොහෝය.

“එවිට එලිෂා යාච්ඤා කොට, සමිදාණන් වහන්ස, ඔහුට පෙනෙන පිණිස ඔහුගේ ඇස්, පැහැදුව මැනවැ”යි කීය. තවද ස්වාමින්වහන්සේ තරුණයාගේ ඇස් පැහැදූ සේක; එවිට එලිෂා වටේට ගිනි අශ්වයන්ගෙන්ද ගිනි රථ වලින්ද කන්ද පිරී තිබෙන බව ඔහු දුටුවේය” (2 රාජාවලිය 6:16–17).

අපගේ භීතියන් පලවාහරින්නට හෝ අපගේ රාක්ෂයෙන් යටත් කරගැනීමට අපට ගිනි දැල්වෙන වාහන තිබෙන්නට හෝ නොතිබෙන්නට පුළුවන්, එහෙත් පාඩම පැහැදිලියි. ස්වාමින්වහන්සේ අප සමඟ සිටින අතර, අප ගැන සැලකිලිමත් වෙමින්, උන්වහන්සේට පමණක් කළ හැකි ආකාර වලින් අපට ආශිර්වාද කරයි.

අපි ක්‍රියාකාරීව ස්වාමින්වහන්සේව හා උන්වහන්සේගේ මාර්ග විශ්වාස කළ විටත්, උන්වහන්සේගේ කාර්යයන් තුළ උනන්දුවෙන් යෙදුනු විටත්, අප ලෝකයේ ප්‍රවණතාවයන්ට බිය නොවෙයි නැතහොත් ඒවා නිසා කරදරයට පත්නොවෙයි. ස්වාමින්වහන්සේ අප දෙස බලා සිටින අතර, අප ගැන සැලකිලිමත් වෙයි, එමෙන්ම අප සමඟ නැගී සිටියි.

© 2022 by Intellectual Reserve, Inc. All rights reserved. අමෙරිකා එක්සත් ජනපදයේ මුද්‍රණය කර ඇත. ඉංග්‍රීසි අනුමැතිය: 6/19. පරිවර්තන අනුමැතිය: 6/19. Monthly For the Strength of Youth Message, July 2022 හි පරිවර්තනයකි. Sinhala. 18298 408