“Kandzea ma Hɛn Anan,” For the Strength of Youth, Dzifuu 2022.
Bosoom bosoom For the Strength of Youth Amandzɛɛbɔ, Dzifuu 2022
Kandzea ma Hɛn Anan
Adze bi a nna ɔnnyɛ nã ma tsetse Israelfo botum akyerɛkyerɛ hɛn mbrɛ Ewuradze si ma hɛn kwankyerɛ.
Nokwar Nsɛm
Ahyɛmu Dadaw mber do no, nna nkorɔfo kitsa awerba kandzea ama woeenya kan wɔ sum mu. Nkandzea dodowara no nna wɔwɔ ahyɛnsewdze ebiasa:
-
Dɛtse kuraba a wɔdze olive ngo gu mu, a ɔtaa yɛ kakraba ma nyimpa botum ekura mu wɔ ne nsamu
-
Wick ahoma a wotum sɔ a, ɔatwe ngo no ewie no
-
N’ano anaa bea wohue fi a wick no da mu.
Awerba kandzea ara a ɔtse dɛm no botum atow ne kan ma oedu anamɔn kakra a otwa hɔn ho aporow no. Sɛ okitsa wo ber a erenantsew a, obotum atow ne kan ma ehu anamɔn kor a odzi w’enyim no ama eetum aanantsew ahwɛyie mu wɔ sum mu.
Dza Yebotum Esũa
Wɔama hɛn ho kwan. Lead, Kindly Light (Kan Pa, Dzi hɛn Kan), Simon Dewey yɛɛ nsaano mfonyin no. Altusfineart.com © 2022 hɔn adom do.
Ewuradze N’asɛm botum ayɛ hɛn kwan do kandzea wɔ sum na adwensɛɛ a otwa hɛn ho hyia wɔ wiadze no mu.
Ewuradze ase hɛn dɛ mma yɛnnkata hɛn kandzea do mbom yɛma asɛmpa ne kan no do ama binom eehu (hwɛ Matthew 5:14–16).
Ɔyɛ hɛn asodzii dɛ yɛbɔhwɛ no yie dɛ yɛdze ngo bogu hɛn kandzea mu mã (hwɛ Matthew 25:1–13). Yedua mpaabɔ, kyerɛwsɛm adzesũa, som, yerekã nkɔnhyɛnyi no do, nye gyedzi na som ndzeyɛɛ binom do na yɛdze yɛ iyi (hwɛ Spencer W. Kimball, Faith Precedes the Miracle [1972], 256).
Sɛ yɛdze gyedzi dzi dwuma a, ɔtɔfabi a Ewuradze hyirɛn hɛn kwan do ma yeetum etu anamɔn kor a akã ho (hwɛ Boyd K. Packer, “The Candle of the Lord,” Ensign, Sanda 1983, 54).
© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Bosoom bosoom For the Strength of Youth Message, August 2022 ne nkyerɛasee. Fante. 18316 502