“Te Taura nakon Waera,” Ibukin Kakorakoraia Kairake, Aok. 2022.
Te rongorongo Ibukin Kakorakoraia Kairake ni Katoa Namwakaina, Aokati 2022
Te Taura nakon Waera
Te bwai ae nang kaboonganaaki irouia kaain Iteraera ngkoa e kona n reireiniira arora n kairaki iroun te Uea.
Baika koaua
N tain te O Tetemanti, e kaakabonganaaki taura nenea n kaotaiia n te roo. Angiin taura nenea aikai bon iai teniua bwaina:
-
Te boora te kaatibu are e taua te bwaa are e karaoaki man te oriwa; ae uarereke ae e kona n tauaki inanon bain te aomata
-
Ao wiikina are e na kona n ura n reken te bwaa
-
Ao ai wiina ke tabona are te taua te wiiki
Taura nenea ake tii teuana wiikina e kona n kaotaa tabeua te buuti ni katotobia. Ngkana e kaboonganaaki n ririaki, a kona n tii kaotaa te oota ae tau ibukim bwa kona noora kawaim ane imwaaim bwa ko aonga n noora kawaim n te roo.
Tera ae Ti Kona n Reiakinna
Kabonganaaki man te kariaiakaki. Lead, Kindly Light, iroun Simon Dewey. Man ana kariaia altusfineart.com © 2022.
Ana taeka te Uea e kona n kaotaa kawaira rinanon te roo ao te aki oota are tia katobibiaki iai n te aonnaba aio.
E a tia n tuangiira te Uea bwa ti na aki karabai ara oota ma tina uouota ootan te euangkerio ma ngaira bwa e aonga n nooraki irouia tabemwaang (taraa Mataio 5:14–16).
E a bon nakoira arora n taraia bwa e onrake ara taura te nenea n te bwaa (taraa Mataio 25:1–13). Ti karaoa aio rinanon te tataro, kamatebwaian koroboki aika tabu, mwakuri n ibuobuoki, irakin te burabeti, ao mwakuri n onimaki ao nanora ae itiaki (taraa Spencer W. Kimball, Faith Precedes the Miracle [1972], 256).
Ngkana ti kamwakura ara onimaki, n tabetai te Uea ea tii kaotaa naba are e tau ibukira bwa tina kona n eweka are imwiina (taraa Boyd K. Packer, “The Candle of the Lord,” Ensign, Tianuare. 1983, 54).
© 2022 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, August 2022. Kiribati. 18316 859