Suga sa Aton mga Tiil

Ang isa ka kinaandan nga butang para sa dumaan nga mga taga-Israel mahimo makatudlo sa aton kon paano kita ginagiyahan sang Ginuo.

Mga Katunayan

Sang panahon sang Daan nga Katipan, masami nagadala ang mga tawo sang kingki para may iwag sila sa kadulom. Kalabanan sining mga kingki may tatlo ka mayor nga mga parte:

Daga nga suludlan para butangan sang lana sang olivo; masami gamay lang ini nga makaigo lang gid sa palad sang tawo
Lino nga pabilo nga ginasindihan pagkatapos nga suyupon sini ang lana
Pabiluhan nga ginasuksukan sang pabilo

Ang simple nga mga kingki nga isa lang ang pabilo makaiwag sang pila lang ka tapak sa palibot sini. Kon gamiton ini samtang nagalakat, ang kasanag sini igo lang gid nga makita mo ang unhan sang imo ginalaktan para makagiho ka sing mahinalungon sa kadulom.

Ang Aton Matun-an

Ang pulong sang Ginuo sarang nga magpasanag sang aton dalanon sa tunga sang kadulom kag kagamo nga nagapalibot sa aton sa kalibutan.

Ang Ginuo nagpangabay sa aton nga indi naton pagtabunan ang aton kasanag kundi nga dalhon naton ang kasanag sang ebanghelyo para nga makita ini sang iban (tan-awa sa Mateo 5:14–16).

Ara sa aton ang pagsiguro nga ang aton mga kingki puno sang lana (tan-awa sa Mateo 25:1–13). Ginahimo naton ini paagi sa pagpangamuyo, pagtuon sang balaan nga kasulatan, pagserbisyo, pagsunod sa propeta, kag iban pa nga mga buhat sang pagtuo kag debosyon (tan-awa sa Spencer W. Kimball, Faith Precedes the Miracle [1972], 256).

Kon ipakita naton ang aton pagtuo, kon kaisa ginaiwagan sang Ginuo ang aton alagyan para igo lang nga makatikang kita paabante (tan-awa Boyd K. Packer, “The Candle of the Lord,” Ensign, Ene. 1983, 54).

© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, August 2022. Hiligaynon. 18316 861