“Lutlut kacl Jisus Kraist ac Eis Kuh Lal,” Mwe Ahkkweye Mwet Fuhsr, Sept. 2022.
Mahlwem Nuhkwewa Mwe Ahkkweye Mwet Fuhsr Mwe Fahkwack, Septempuh 2022
Lutlut kacl Jisus Kraist ac Eis Kuh Lal
Nga luhngse akacsruhi lah kuht e eis fuhkah nuh ke moul lasr kuh luhn Leum lasr ac Mwet Kol, Jisus Kraist.
Kuht muhtwacwacack in lutlut Kacl.1 “Tiacna kuh nuh [sesr] in moullac ke tiac etuh” (Doctrine and Covenants 131:6). Ke yohk etuh lasr ke luti luhn Mwet Lahngo ac ma El oruh kacsr uh, e yohk etuh lasr lah El kuh in sang kuh ma kuht enenuh nuh ke moul lasr uh.
Ekihn Mwet Luhlahlfongi ke Lwen-sahflah uh, kuht fahkkihn misin Lal oacna Iwaclah luhn Jisus Kraist, ma oraclah sifil moulyak in sie ma pwacye nuh sin mwet nuh kwewa ac oruh moul ma pahtpaht in kuh nuh selos suc auliyak ke ma koluk lalos ac eis ac liyacacng akwuck ac olwelah enenweyuck uh.
Ye placn wolacna ac ma pahtpaht luhn Pahpah, Mwet Lahngo pa kweok kac ah. Mwet Lahngo pa suc tuhlahlah mwe kapihr luhn misac. Mwet Lahngo pa molwelah molin ma koluk ac tahfonglac lasr ac iyucklac muhkwena ke auliyak lasr. Mwet Lahngo pa eiskuhtlac liki misac ke mahno ac nguhn.
Ohiyac muhtahl ma oacna Iwaclah ac Sifil Moulyak ahkuhtweyac ma Mwet Lahngo El oruh, fal nuh ke placn luhn Pahpah, kuht in muh kuh in moulkihn finsrak ke moul se inge ac eis moul ma pahtpaht ke facl se tok uh.
© 2022 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, September 2022. Kosraean. 18316 868