Mukenji wa ku ngondo Bua Dikankamika dia Bansonga, Ngondo wa Tshitema 2022

Kulonga Bitangila Yezu Kilisto ne Kupeta Bukola Buenda

Kudi Mulombodi Mukulu Russell M. Nelson

Mulombodi Mukulu wa Ekelezia wa Yezu Kilisto wa Bansantu ba Matuku a Ndekelu

Russell M. Nelson

Biangata ku April 2017 general conference address.

Ndi musua kuakula bua mushindu utudi mua kukoka mu mioyi yetu bukola bua Mukalenga ne Mulongeshi wetu, Yezu Kilisto.

Tudi tubanga ne kulonga bimutangila.¹ Kabiena bipepela bua tuetu kupandishibua mu dipanga. (Dilongesha ne Bipungidi 131:6). Patudi tumvua dilongesha dia Mupandishi ne bivuaye mutuenzela, tudi tufika ku dimanya ne udi mua kufila bukola butudi tujinga bua mioyo yetu.

Bu Bansantu ba Matuku a Ndekelu, tudi tumona bukenji buenda bu Bupikudi bua Yezu Kilisto, budi bukumbaja dibika dia ku lufu bua bonsu ne bupepejela moyo wa tshiendelela kudi aba badi bakudimuna mutshima ku mibi yabu ne bapeta ne balama ne mushinga milulu ne bipungidi.

Kupitshila ku dilongolola dinena dia tshiendelela dia Tatu, yeya ki Mupandishi wakakenga. Nyeya Mupandishi uvua mukosa mionji ya lufu. Nyeya Mupandishi uvua mufuta tshibawu tshietu tshia mibi ne disambuka dietu dia mikenji ne udi ubikupula ku dibangu dia kukudimuna kuetu kua mutshima. Yeya ki Mupandishi wakatupatuisha ku lufu lua mubidi ne lua nyuma.

Miaku ya tshijila bu mudi Bupikudi ne Dibika dia ku Lufu idi yumvuija tshivua Mupandishi muenza, bilondeshila ku dilongolola dia Tatu, nanku bua tuikala ne ditekemena mu moyo ewu ne kabidi moyo wa tshiendelela mu muaba walua.

Dipanga: kupanga kuikala ne dimanya pa tshintu.

Dibangu: Tshidi tshilombibua; tshintu tshidi ne bua kuenzeka kumpala kua tshikuabu tshintu kuenzeka.

Eyi idi mishindu mikuabu ya kulonga bua kusemena pabuipi ne Yezu Kilisto:

• mifundu

  Bimfuanyi bia kudi Mallory Klinger

  Tangila bivua Mupandishi muakula ne muenza mu mifundu.

• nsonga mukaji udi wela meji bua Yezu Kilisto

  Sungula bua kumulonda.

• ditambula

  Enza bipungidi bia tshijila ne ubilama.

• disambila

  Ndaku kudiye mu ditabuija.

© 2022 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Mukenji wa ku Ngondu Bua Dikankamika dia bansonga, Ngondu wa Tshitema 2022. Tshiluba. 18316 760

Tshiakumanya

1. Udi mua kulonga malu mamba a Buludiki bua Biena Bualu anyi Buludiki bua Mifundu pa tshiena bualu tshia “Yezu Kilisto” ne “Yezu Kilisto wa Moyo: Bujadiki bua Bapostolo,” ChurchofJesusChrist.org.