Milwol ni Ngan Thapeg ko biney e Pul ni Fan ko Gelngin e Pi’in ni Fal’yangrenMilwol, September 2022

Fil Mornga’agen Yesus Kristus Nge Gelngin Nrayag ningan Thapeg

Thin ku President Russell M. Nelson

President ko Fare Galasia Ku Yesus Kristus ni Fan ko Gidiiʼen Got ko Tin Tomur e Rran

Yib ko April 2017 ko thin ko general conference.

Gu baʼadag ni nggu weliy rogon nrayag ningad feked nga dakendad fare gelngin Somoel niʼir e Masta rodad, Yesus Kristus.

Sommʼon e ngad filed morngaʼagen.¹ “Rib momawʼ [ngodad] ningan ayuwegdad u fithikʼ e fekyath” (Doctrine and Covenants 131:6). Gelngin ni gadadra nangfan yalen fare Tathapeg nge nʼen ni rrinʼ ni fan ngodad, e arram gelngin ni gadadra nang nrayag nga piiʼ gelngin e pi nʼen nib tuʼuf ngalang e yafos rodad.

Gadad gidiiʼen Got ko tin Tomur e Rran, gadad ma yoeg fithingan fare muruwel rokʼ ni fare Bayul rokʼ Yesus Kristus, ni falʼag kanawoʼen e foskoyamʼ nifan ngak gubin e gidiiʼ me ngongliy kanawoʼen e yafos ni manemus nifan ngak e piʼin nra kalngaenʼ ko denen rokʼ me thapeg me ayuweg fapi gamiʼing nge mʼag ni rib gaʼfan.

U tan paʼ fare tonom rokʼ e Chitamangiy, fare Tathapeg e ir e chaʼen ni gafgow riy. Fare Tathapeg e ir e thaʼab fare gaf ko yamʼ. Fare Tathapeg e ir e ni gafgow nag ni pilwon e pi kireb nge pi denen rodad me chuweg e denen rodad ni kemus ni ngan kalngaenʼuy. Fare Tathapeg e ir e en ni chuwegdad u fithik e yamʼ ko dogur nge yamʼ ni thothup.

Tin baʼaray e thin ni woed e Bayul nge Foskoyamʼ e be yipfan e nʼen nike rrinʼ fare Tathapeg, ni woed rogon fare tonom rokʼ e Chitamangiy, nifan e athap ko biney e yafos nge bin migid e yafos nib manechubug ni bayiyib.

Fekyath: Banʼen ni dan nangfan rogon.

Kemus: Banʼen nib btuʼuf ni ngan rrinʼ; btuʼuf ni ngan rrinʼ u mmʼon ni nge buch banʼen.

Baʼaray boch rogon nrayag ni ngan fil min chuchugur nigey ngak Yesus Kristus.

• 

  Sassing riy e yib rokʼ Mallory Klinger

  Mu sap nag e pi nʼen ni yoeg fare Tathapeg nge pi nʼen ni rrinʼ ulan fapi chep nib thothup.

• 

  Meʼeleg Ningad folgaed Ngak.

• 

  Ngongliy e mʼag nib thothup min chaʼariy.

• 

  Yaen Ngak u Fithik e Mich.

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’ Yangren, September 2022. Yapese.18316 905.

Babyoren e Ayuw

1. Rayag ni ngam fil fare Topical Guide fa Guide ko Scripture reference ko mornga’agen fare n’en “Jesus Christ” and “The Living Christ: The Testimony of the Apostles,” ChurchofJesusChrist.org.