“Kakua ni Wawa! Mo Vakataki ira na iVakatawa ni Sipi,” Me iSakisaki ni iTabagone, Tise. 2022.
iTukutuku e Veivula ni Me iSakisaki ni iTabagone, Tiseba 2022
Kakua ni Wawa! Mo Vakataki ira na iVakatawa ni Sipi
Ena dua na bogi buto ena gauna makawa sa oti, era yadrava vagumatua na ivakatawa ni sipi na nodra qele ni sipi.
E nodra na ivakatawa ni sipi e dua na cakacaka bibi. Era gadreva tu na sipi na kakana, wai, kei na veitaqomaki mai na veika rerevaki.
Vakasauri ga, a rairai mai e dua na agilosi!
“Dou kakua ni rere, raica, au sa kauta mai vei kemudou e dua na itukutuku vinaka mo dou reki vakalevu kina. … Ni sa sucu vei kemudou ena siga oqo … na iVakabula, ko koya na Karisito na Turaga.”
A tukuna na agilosi vei iratou na ivakatawa ni sipi ni ratou na kunea na gonelailai ni viviraki ena isulu ni gone, ka davo ena dua na vale ni manumanu e Peceliema.
A vakasinaita na lomalagi e dua na matasere ni agilosi ka tomani koya na agilosi ena vakacaucautaka tiko na Kalou.
“Sa nona na Kalou na vakarokoroko ena veiyasana e cake sara, a sa veivinakati rawa ko ira e vuravura, sa lomani ko ira na tamata.”
“Tou mai lako ki Pecileema ka raica na veika sa vakatakila vei kedatou na Turaga.”
Eratou a sega ni wawa na ivakatawa ni sipi. Oqo e sa rui bibi sara! Eratou a “lako vakatotolo yani” ki Pecileema.
Eratou a kunei Jisu na ivakatawa ni sipi ni viviraki ena isulu ni gone, ka davo ena dua na vale ni manumanu, me vaka ga a kaya na agilosi.
Oqo na Mesaia yalataki ka a lako mai me iVakabula ka Dauveivueti kei vuravura ka kauta mai vei keda na reki dina!
Eratou a marau vakalevu na ivakatawa ni sipi! Eratou a wasea na veika eratou a rogoca ka raica.
“Sa sucu na iVakabula kei vuravura!”
“Sa qai yaco mai na Mesaia!”
Eratou a “lako vakatotolo yani” vei Jisu na ivakatawa ni sipi. Iko rawa talega!
Iko rawa ni vuli mai Vua.
E rawa ni o qaravi Koya ena nomu qaravi ira na tani.
Sa rawa mo vakadinadinataki Koya.
© 2022 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. iVakadewa ni Monthly For the Strength of Youth Message, December 2022. Fijian. 18318 858