“Pa ret tann! Vin tankou Bèje yo,” Pou Fòs Jèn yo, Des. 2022.
Mesaj Mansyèl Pou Fòs Jèn yo , Desanm 2022
Pa ret tann! Vin tankou Bèje yo
Sa gen lontan, nan yon nuit san okenn bri, bèje yo t ap veye sou twoupo yo avèk dilijans.
Bèje yo te gen yon travay enpòtan. Mouton yo te bezwen manje, dlo ak pwoteksyon kont danje.
Britsoukou, yon zanj te parèt!
“Nou pa bezwen pè, paske m vin anonse nou yon bòn nouvèl k ap pote gwo kè kontan… Paske jodi a… nou gen yon Sovè ki fenk fèt, ki se Kris la, Senyè a.”
Zanj lan te rakonte bèje yo ke yo t ap jwenn bebe a vlope nan yon moso twal kouche nan yon kote yo konn bay bèt manje nan vil Betleyèm.
Yon koral zanj te ranpli syèl la epi yo te met ansanm avèk zanj lan pou yo te fè lwanj pou Bondye.
“Lwanj pou Bondye anwo nan syèl la, kè poze sou latè pou tout moun li renmen.”
“An n ale Betleyèm pou n al gade sa Senyè a revele nou.”
Bèje yo pa t ret tann. Sa te twò enpòtan! Yo “te prese vini” nan vil Betleyèm nan.
Bèje yo te jwenn Jezi vlope nan moso twal, kouche nan yon kote yo konn bay bèt manje, jan zanj lan te di a.
Se te Mesi yo te pwomèt ki t ap vini pou L te Sovè ak Redanmtè mond lan epi pote bon jan kè kontan pou nou an!
Bèje yo te kontan anpil! Yo te pataje sa yo te tande ak wè.
“Sovè mond lan fèt!”
“Mesi a resi vini!”
Bèje yo “te prese vini” jwenn Jezi. Ou kapab vini tou!
Ou kapab aprann konnen Li.
Ou kapab sèvi Li nan sèvi lòt moun.
Ou kapab rann temwayaj konsènan Li.
© 2022 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/19. Apwobasyon tradiksyon: 6/19. Tradiksyon Monthly For the Strength of Youth Message, December 2022. Haitian Creole. 18318 036