“Jab Kōttar! Erom̧ Āinwōt Seperd ro,” N̄an Kōkajoorļo̧k Jodikdik ro, Tij. 2022.
Ennaan eo an N̄an Kōkajoorļo̧k Jodikdik ro Allōn̄ Otemjej, Tijem̧ba 2022
Jab Kōttar! Erom̧ Āinwōt Seperd ro
Ilo juon bon̄ elur etto, seperd ro raar niknik lale menin mour ko aer.
Seperd ro ekar wōr juon aer jerbal aorōk. Sip ko raar aikuj m̧ōn̄ā, dān, im kōjparok jān kauwōtata.
Ejjab to, juon enjeļ ekar waļokļo̧k!
“Kom̧win jab lōļn̄o̧n̄, bwe lo, Ij bōkwōj n̄an kom̧ naan ko rem̧m̧an. … Bwe rainin e ļotak n̄an kom̧ … Ri Lo̧mo̧o̧r, E Kraist Irooj.”
Enjeļ eo ekar jiron̄ seperd ro ke renaaj kar lo nin̄nin̄ eo kar kirboke, babu ilo juon menjer ilo Betleem.
Juon kuwaer an enjeļ kar kobrak mejatoto im kar koba ippān enjeļ eo n̄an wujtake Anij.
“Aiboojoj n̄an Anij ilo utiejtata, im aenōm̧m̧an ioon laļ, ippān armej raņ.”
“Jen ilo̧k n̄an Bethlehem im lale ta eo Irooj ekar kwaļo̧k n̄an kōj.”
Seperd ro raar jab kōttar. Menin ekar kanooj in aorōk! Raar “jarōbtok” n̄an Bethlehem.
Seperd ro raar lo Jisōs kar kirboke ilo nuknuk māņeņ, babu ilo juon menjer, ejja wōt an enjeļ eo kar ba.
En̄in ej Messia eo kar kallim̧ur kake me ekar itok n̄an erom̧ Rilo̧mo̧o̧r im Ripinmuur eo an laļ im n̄an bōktok n̄an kōj lan̄lōn̄ eo em̧ool!
Seperd ro raar kanooj in lo̧udin̄din̄! Raar kwaļo̧k ta eo raar ron̄ im loe.
“Rilo̧mo̧o̧r eo an laļ in eļotak!”
“Āliktata Messia ekar itok!”
Seperd ro “jarōbtok” n̄an Jisōs. Kwo maron̄ barāinwōt!
Kwo maron̄ ekkatak kōn E.
Kwo maron̄ jerbal n̄an E ilo am̧ jerbal n̄an ro jet.
Kwo maron̄ kam̧ool kōn E.
© 2022 jān Intellectual Reserve, Inc. Aolep jim̧we ko rej pād ippān. Kar būriin ilo USA. Kōmālim ilo kajin English: 6/19. Kōmālim ukook eo: 6/19. Ukook eo an Monthly For the Strength of Youth Message, December 2022. Marshallese. 18318 874