“Aza miandry! Manaova toa an’ireo mpiandry ondry,” Ho zatovo mahery!, des. 2022.
Hafatra isam-bolana ao amin’ny Ho zatovo mahery!, desambara 2022
Aza miandry! Manaova toa an’ireo mpiandry ondry
Indray alina mangina taloha ela be dia nazoto niambina ny ondriny ireo mpiandry ondry.
Nanana asa manan-danja ny mpiandry ondry. Nila sakafo sy rano ary fiarovana amin’ny loza ny ondry.
Tampoka teo dia nisy anjely niseho!
“Aza matahotra; fa, indro, milaza teny soa mahafaly aminareo aho, dia fifaliana lehibe. … Fa Mpamonjy no teraka ho anareo anio …, dia Kristy Tompo.”
Nilaza tamin’ireo mpiandry ondry ilay anjely fa ho hitan’izy ireo mifono lamaban-jaza ilay zazakely, mandry ao anaty fihinanam-bilona any Betlehema.
Feno andian’anjely teny amin’ny lanitra ary nanatona ilay anjely nidera an’ Andriamanitra.
“Voninahitra any amin’ny avo Indrindra ho an’ Andriamanitra! Ary fiadanana ho etỳ ambonin’ny tany amin’ny olona ankasitrahany.”
“Andeha isika hankany Betlehema ka hizaha izany zavatra vao tonga izany, izay nampahafantarin’ny Tompo antsika.”
Tsy niandry ireo mpiandry ondry. Zava-dehibe loatra izany! “Nandeha faingana” tany Betlehema izy ireo.
Hitan’ireo mpiandry ondry i Jesoa mifono lamban-jaza, mandry ao anaty fihinanam-bilona, araka ny nolazain’ilay anjely.
Io ilay Mesia nampanantenaina izay tonga mba ho Mpamonjy sy Mpanavotra izao tontolo izao ary hitondra tena fifaliana!
Faly ery ireo mpiandry ondry! Nizara ny zavatra reny sy hitany izy ireo.
“Teraka ilay Mpanavotra izao tontolo izao!”
“Tonga ihany ilay Mesia!”
“Nandeha faingana” tany amin’i Jesoa ireo mpiandry ondry. Afaka miaina izany koa ianao!
Afaka mianatra Aminy ianao.
Afaka manompo Azy ianao amin’ny alalan’ny fanompoana ny hafa.
Afaka mijoro ho vavolombelona momba Azy ianao.
© 2022 an’ny Intellectual Reserve, Inc. All rights reserved. Natonta tany Etazonia. Fankatoavana ny tamin’ny teny anglisy: 6/19. Fankatoavana ny fandikana: 6/19. Fandikana ny Monthly For the Strength of Youth Message, December 2022. Malagasy. 18318 654