Lak Mongiil! Bom ua re Mengkar a Sib,” Kirel a Klisichir a Rengeasek, Dec. 2022.
Bek el Buil Kirel a Klisichir a Rengeasek, Klumech, Ongeteruich ma ongeru el buil 2022
Lak Mongiil! Bom ua re Mengkar a Sib
Ng mle kellechakl el kesus er a kmal meketeketang, ea re mengkar a sib a mle blak a rengrir lomes a chermir.
A re mengkar a sib a mle klou a ultutelel a urerir. A ikal sib a ulusbech a kall, ralm, e selbechekl me lak el metemall.
E di mle kiul, duum a anghel!
“Lak ko medakt, le mesang, Ngak olab a ungil chais lekor kemiu ra klou el deurreng. … Chelechal sils eng mlechell … a Osebeliu, el Kristo el Rubak.”
Ma anghel a silbedeterir a re mengkar a sib el kmo te mo metik er a tolechoi el bliull er a mamed, e ulekedurs ra ongolel a charm el ngara Bethlehem.
Ma cheldebechel er a re anghel a milkekii a eanged e ulebengkel ngii el anghel el loldanges ra Dios.
“A odanges le bo er a Dios el ngar sel kot el ngarbab, ma budech le bora beluulechad, me a deurreng el mora re bek el chad.”
“Mei e dorael el mora Bethlehem me desa tial tekoi el blal sbedid er ngii a Rubak.”
A re mengkar a sib a dimlak longiil. Tiang a kmal mle orechudel! Me “tulerreched” el mora Bethlehem.
A re mengkar a sib a milsa Jesus el bliull er a mamed, e ulekedurs ra ongolel a charm, el di ua ikel dilung a anghel.
Ngka ngike el mlara telbiil el Messiah el mlei el mo Osobol e Osebelel a beluulechad el mo meskid a meral deurreng!
A re mengkar a sib a mlo mechas a rengrir! Te ulemerk a ikel le rirenges e miles.
“A Osobol ra beluulechad a mla mechell!”
“A Messiah a mla mei!”
A re mengkar a sib a “ulerreched” el mora Jesus. Kau meng dirrek el sebechem!
Ng sebechem el mesuub er Ngii.
Kau a sebechem el mesiou er Ngii sel mosiou ra re bebil.
“Ng sebechem el sioning er Ngii.
© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, December 2022. Palauan.18318 881