«Մի՛ սպասեք Եղեք հովիվների նման», Երիտասարդներին զորացնելու համար, դեկտեմբեր 2022։
Ամենամսյա Երիտասարդներին զորացնելու համար ուղերձ, դեկտեմբեր 2022
Մի՛ սպասեք Եղեք հովիվների նման
Շատ վաղուց, մի լուռ գիշեր հովիվները ջանասիրաբար հսկում էին իրենց հոտերը։
Հովիվները կարևոր գործ ունեին։ Ոչխարներին անհրաժեշտ էր սնունդ, ջուր և պաշտպանություն վտանգից։
Հանկարծ մի հրեշտակ հայտնվեց։
«Մի՛ վախեցեք, որովհետև ահա ձեզ մեծ ուրախություն եմ ավետում, որ ամբողջ ժողովրդինն է լինելու. … այսօր … ձեզ համար Փրկիչ ծնվեց, որ է Օծյալ Տերը»։
Հրեշտակներն ասացին հովիվներին, որ նրանք երեխային կգտնեն Բեթլեհեմում՝ խանձարուրով պատած, մսուրի մեջ դրած։
Հրեշտակների երգչախումբը լցրեց երկինքը և միացավ հրեշտակին՝ փառաբանելով Աստծուն։
«Փա՜ռք Բարձրյալ Աստծուն, երկրի վրա՝ խաղաղություն, ու մարդկանց մեջ՝ հաճություն»։
«Եկեք գնանք Բեթլեհեմ և տեսնենք այն, ինչ Տերը հայտնի դարձրեց մեզ»։
Հովիվները չսպասեցին։ Սա շատ կարևոր էր։ Նրանք «շտապելով եկան» Բեթլեհեմ։
Հովիվները գտան Հիսուսին խանձարուրի մեջ փաթաթված, մսուրի մեջ պառկած, ճիշտ ինչպես հրեշտակն ասաց։
Սա խոստացված Մեսիան էր, ով եկավ լինելու աշխարհի Փրկիչն ու Քավիչը և մեզ իսկական ուրախություն բերելու։
Հովիվները շատ ոգևորված էին։ Նրանք կիսվեցին իրենց լսածով ու տեսածով։
«Ծնվել է աշխարհի Փրկիչը»։
«Վերջապես Մեսիան եկավ»։
Հովիվները «շտապելով եկան» Հիսուսի մոտ։ Դուք նույնպես կարող եք։
Դուք կարող եք սովորել Նրանից։
Դուք կարող եք ծառայել Նրան` ծառայելով ուրիշներին։
Դուք կարող եք վկայել Նրա մասին։
© 2022 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly For the Strength of Youth Message, December 2022-ի թարգմանությունը։ Armenian. 18318 201