Musamirira! Ivai SeVafudzi,” For the Strength of Youth (ZveRusimbiso rweVechidiki), Zvita 2022.
Shoko reMwedzi Woga Woga reFor the Strength of Youth (ZveRusimbiso rweVechidiki), Zvita 2022
Musamirira! Ivai seVafudzi
Pane humwe husiku hwakanyarara makare kare, vafudzi vaishingaira kurinda makwai avo.
Vafudzi vacho vakanga vaine basa rakakosha. Makwai aida zvokudya, mvura nedziviriro kubva kunjodzi.
Pakarepo, ngirozi yakaonekwa!
“Musatye, tarirai, ndinokuunzirai mashoko akanaka emufaro mukuru. … Nokuti nhasi mazvarirwa … Muponesi, ndiye Kristu Ishe.”
Ngirozi yakaudza vafudzi kuti vaizowana mucheche akaputirwa mumachira, akarara muchidyiro chezvipfuyo muBetrehema.
Kwaya yengirozi yakazadza denga uye ikabatana nengirozi mukurumbidza Mwari.
“Rumbidzo kuna Mwari kumusoro-soro, norugare panyika, chido chakanaka kuvanhu.”
“Ngatiende kuBetrehema tinoona izvo takaziviswa naIshe.”
Vafudzi havana kumirira. Izvi zvaive zvakanyanya kukosha! “Vakauya nokukurumidza” kuBetrehema
Vafudzi vakawana Jesu akaputirwa namachira, akarara muchidyiro, sekutaura kwakaita ngirozi.
Uyu ndiye Mesiasi akavimbiswa uyo akauya kuzova Muponesi neMununuri wenyika uye nokutiunzira mufaro wechokwadi!
Vafudzi vakafara zvikurusa! Vakagovera zvavakanga vanzwa nokuona.
“Muponesi weNyika azvarwa!”
“Mesiasi wazouya pokupedzisira!”
Vafudzi “vakauya nokukurumidza” kuna Jesu. Nemi munokwanisawo!
Munokwanisa kudzidza neZvake.
Munokwanisa kuMushandira kuburikidza nokushandira vamwe.
Munokwanisa kupupura neZvake.
© 2022 ne Intellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly For the Strength of Youth Message, Zvita 2022. Shona. 18318 731