“4 Rogon Yesus Kristus Ma Gelnag med,” Fan ko Gelngin e Pi’in ni Fal’yangren, Jan. 2023.
Mulwol ni Ngan Thapeg ko biney e Pul ni Fan ko Gelngin e Pi’in ni Fal’yangren, January 2023
4 Rogon Yesus Kristus Ma Gelnag med
Demturug e mit i nʼen ni gu ra madaʼnag ma bay gelngig nike piʼ Kristus.
Philippians 4:13
Ufithik e feylang, fapi Christian ba’adag e scripture ney: “Rayog ni ngug rin’ gubin ban’en u daken Kristus ni’ir e ma pi’ gelngig” (Philippians 4:13).
Napan e gidii’ ma rungan biney, boech ma lemnag bayipfan rayog ni ngar rrin’ demtrug e sikeng, gelnag demtrug e gosgos, nge thapeg gubin e ni ba’adag. Machane de weliy biney ulan e scripture ney.
Fare apostle Paul nike yol biney napan ni ke paer ulan nga kalbus. Napan nike mang e kalbus, dariy’ bo’or pi’nen dabiyog ni nge rrin’, machane irma nang Yesus Kristus rayog ni nge gelnagen ni nge rrin’ e pi’nen nib ga’fan.
Ta’abrogon ngomed!
1 Kristus ma Gelnagmed ni Ngam Nanged
Yesus Kristus ni ke pii’ ngomed boech e rogon nib ga’fan e rayog ni ngam nanged e tin nib riyul’. Nike fil ngodad ni ngad meybil dad gubin ngiyal’ (muguy ko 3 Nephi 18:18) nge fith fa’an e pi’nen ir riyul’ (muguy ko Moroni 10:4–5). Rayog ni ngam piryeg nge nanged e pi’nen nib riyul’ udakaen e fil ko kpi scripture romed.
Meybil nge fil ko scripture ma fek e Kan thothup ulan e yafos rom. Fare Ya’el rayog ni nge non “ngak e tafney nge … gum’ircha’med” (Doctrine and Covenants 8:2), “ma sug e ya’el ko falfalaen’,” nge “pii’ e ganop” (Doctrine and Covenants 11:13).
U pi rogon ney, rangam “motoyil Ngak’”—motoyil e pi thin rok Somoel nge fol e tin ni Ke yog. President Russell M. Nelson nike sensey nag e rogon ney ir “e rogon nima thapeg e fel’ rogon, falfalaen’, nge ba’adag ulan e yafos ney.”1
2 Kristus ma Gelnagmed ni Ngam Rrin’
Gelingin ma yib ngomed napan gara fol pi motochiyel nge mel’eg e mat’aw nira fekmed e gapas nge falfalaen’. Yesus Kristus ma gelnag med ni ngam rrin’ biney dariyfan fa’an e mel’eg e gafgow ni gel. Bochi yay gara mel’eg ni de mataw. Machane, fare Bayul rok Tathapeg ke fal’efg e rogon ko kalngan’uy. Bachaen Yesus Kristus, rayog ni ngam be’ech nag nge piryeg e falfalaen’. Rayog ni nge gelnagmed ni ngam “rrin’ nib mangil nge mang nib mangil”2 gubin e rran.
3 Kristus ma Gelnagmed ni Ngam gel nag
Napan ke paer u kalbus, Paul nike yoloy: “Kug fil rogon ni nge fel’ u wun’ug e tin bay rog ban’en.
“Ya gu manang rogon ni ba’aray ni kan gafgow u ban’en, nge rogon ni ba’aray nike pag urngin ban’en nike yag ngog. Kug nang rogon e ren’ey, ere demturug e gin’en ma demturug e re ngiyal’ i n’en” (Philippians 4:11–12).
U reb e thin, Paul nike fil, u dakaen Kristus, Rayog ni nge gelnag nge fil nag nifan e pi magawon nge pi sikeng rok. Yesus Kristus rayog ni nge gelnagmed ni ngam rrin’ ni ta’abrogon.
Fare Tathapeg nike gafgow “ko pi amith nge kirbaen’ nge pi lumel ni gubin mit.” Nike fek e gafgow rodad ere rayog ni nge “yog ni nang … ko dagur u rogon ni nge ayuweg e gidii’ rok’ u rogon e pi mo’owaer roraed” (Alma 7:11–12). Demtrug e magawon romed, Yesus Kristus rayog ni nge gelnagmed ni ngam athamgil nge rrin’ e pi’nen ni dabda rrin’ed fa’an ni yigo gur.
4 Kristus ma Gelnagmed ni Ngam Manged
Yesus Kristus nike fal’eg e rogon ni nga fasgadkoyam’, nge ni ke fal’eg e rogon ko yafos nib manimus nifan e pi’in ni be kalngan’, thapeg e gam’ing nib ga’, nge kol fapi micheg rodad. Dariy Kristus, dabiyog ni ngad rrin’ed e pi’nen e Chitamangdad nu tharmiy ni ba’adag—ni ngad manged boed Ir nge Fak ni, Yesus Kristus, nge pared uta’abong ko manimus.
Rayog ni ngam manged boed Yesus Kristus napan ni ngam fil’ed marunga’agen, pagaen’romed Ngak, nge fol e susun Rok’. Irra powi’iymed ni ngam fasgad nibay boch e mich, athap, t’ufeg, gum’aen’, sobut’, nge fol. Biney e pi rogon rok Somoel.
Napan ni ngam guy rogon romed nima fol Yesus Kristus, Irra mang e athap nge magal romed nge powi’iy nag med ni ngam manged e bee’ nima nang rangam manged. Nge, ni immoy rok’ Paul, Rangam yoged, “Rayog ni ngug rin’ gubin ban’en u daken Kristus ni’ir e ma pi’ gelngig.”
© 2023 rok Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren e, January 2023. Language. 18904 000