?Yumi Nid blong Kam Stret Gud Evriwan Naoia? Blong Ol Yut Oli Kam Strong, Feb. 2023.
Evri manis Blong Ol Yut Oli Kam Strong Mesej, Febwari 2023
?Yumi Nid blong Kam Stret Gud Evriwan Naoia?
I kam long wan Oktoba 2017 jeneral konfrens toktok.
Ol pikja i kam long Emily E. Jones
Ol skripja oli raetem blong blesem mo leftemap tingting blong yumi, mo i tru hem i hapen. ?Be ating yu bin luk se evri taem bae wan skripja bae kamaot long yumi blong mekem yumi tingting se yumi no mekem yet evri samting we yumi mas mekem? Eksampol: “Be fasin blong yufala i mas stret gud olsem fasin blong Papa … blong yufala long heven.” (Matiu 5:48). Wetem komanmen ia, yumi wantem go bak long bed mo pulum blangket ova long hed blong yumi. Wan selestial gol olsem i had tumas blong yumi kasem. Be Lod bae i neva givim yumi wan komanmen we Hem i save gud se yumi no save kipim.
“Yes, kam long Kraes, mo stap stret gud long hem,” Moronae i talem. “Lavem God wetem ful paoa blong tingting, ful maen mo ful paoa blong yufala, afta nao … tru long gladhat blong Hem yufala i kam stret evriwan tru Kraes” (Moronae 10:32; oli ademap long italik). Hop blong yumi se tru fasin blong kam stret gud evriwan yumi kasem olsem wan presen we i kam long heven—we yumi no “wok” from.
Be Jisas hemwan i klin evriwan we i nogat mak long laef blong Hem long wol ia we yumi stap from hemia, taem yumi stap long wol ia letem yumi wok had blong mekem jenis oltaem mo lego ol tingting we yumi putum we oli hae tumas blong yumi mo ol nara man i mekem.
Sapos yumi gohed strong, bae samples long laef we i no save finis bae yumi kam klin evriwan—we hem i Niu Testeman mining blong fasin blong kam stret gud evriwan.
© 2023 blong Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly For the Strength of Youth Message, February 2023. Language. 18910 852