Ɔfiɔŋ-ke-ɔfiɔŋ Etop emi Enɔde ke Nsɔŋɔnda eke Iwaad , February 2023

Nte Nnyin Inyene Ndifɔn-ma Idahaemi?

Etop otode Elder Jeffrey R. Holland

Eke Eboho mme Apostle Duopeba

Otode ke etop eke akwa mbono Ɔfiɔŋ October 2017.

Mme Ediam-anwanga otode Emily E. Jones

Ekewet ŋwed Abasi ete man ɔdiɔŋ onyuŋ ɔsɔŋɔ nnyin idem, ndien ke akpanikɔ mmɔ enam oro. Edi afo omokut ke ini kiet mme eken udim-ŋwed kiet eyedu emi etide ke nnyin imi due esisit ikpɔŋ usuŋ? Nte uwutŋkpɔ: “Mbufo efɔn ema ndien, kpa nte Ete mbufo … ke heaven ɔfɔnde ama” (Matthew 5:48). Ye mbet oro, nnyin iyom ndifiak nduk idap nyuŋ nduri ufuk-ŋkpɔ mfuk ibuot nnyin. Oruk udɔŋ celestial oro etie nte okpon akan se nnyin ikpisim. Edi ke akpanikɔ Jehovah idinɔhɔ nnyin mbet emi Enye ɔfiɔkde ke nnyin idikemeke edinim.

Moroni ekpe-ubɔk ete, “Ihn, edi ebiene Christ, enyuŋ edifɔn ema ke enye.” “Ema Abasi ke ofuri ukeme, ekikere, ye odudu mbufo, ekem … oto ke mfɔn esie ke mbufo edifɔn ema ke Christ” (Moroni 10:32; efiak eyiri etiŋ). Nkokure idorenyin nnyin ke eti edifon-ma edi ke edibɔ oro nte enɔ kiet nto heaven—nnyin ikemeke “edibɔ-utip” oro.

Kesioho Jesus. iduhe edinen edinam ke isaŋ uwem isɔŋ emi nnyin isaŋade mi, ntre kini idude ke uwem isɔŋ emi yak idomo iyom edinehede nam ɔfɔn inyuŋ itre ɔkpɔsɔŋ ediyom ŋkpɔ-isɔŋ eke idem nnyin ye eke mbon efen.

Edieke nnyin isɔŋɔke-ida, ekem ke ebiet ekededi ke nsinsi eyenam nnyin ifɔn ima ikure inyuŋ iyɔhɔ emi edide se Obufa Testament ɔwɔrɔde ke edifɔn-ma.

© 2023 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Abaŋade Nsɔŋɔnda eke Iwaad, February 2023. Language. 18910 000