„Þurfum við að vera fullkomin núna?“ Til styrktar ungmennum, feb. 2023
Mánaðarlegur boðskapur Til styrktar ungmennum, febrúar 2023
Þurfum við að vera fullkomin núna?
Myndskreyting: Emily Jones
Ritningarnar voru skrifaðar til að blessa og hvetja okkur og það gera þær vissulega. Hafið þið samt tekið eftir því að stundum birtist ritningargrein sem minnir okkur á að eitthvað vantar upp á hjá okkur? Dæmi: „Verið þér því fullkomnir, eins og faðir yðar himneskur er fullkominn“ (Matteus 5:48). Hvað þetta boðorð varðar, þá langar okkur bara að fara aftur upp í rúm og breiða yfir höfuðið. Slíkt himneskt markmið virðist utan seilingar. En varla myndi Drottinn gefa okkur boðorð sem hann vissi að við gætum ekki haldið.
„Komið til Krists, fullkomnist í honum,“ hvetur Moróní. „Elskið Guð af öllum mætti yðar, huga og styrk, … fyrir náð hans náið þér [þá] fullkomnun í Kristi“ (Moróní 10:32; skáletrað hér). Eina von okkar um sanna fullkomnun er að meðtaka hana sem gjöf af himnum – við getum ekki „unnið“ fyrir henni.
Að Jesú einum undanskildum, hefur enginn átt flekklausa frammistöðu í þessari jarðnesku ferð sem við tökum okkur fyrir hendur og því skulum við stefna að stöðugri framþróun í jarðlífinu og forðast óheyrilegar væntingar af okkur sjálfum og öðrum.
Ef við höldum ótrauð áfram, mun fágun okkar ljúka einhvern tíma í eilífðinni og verða alger – sem er merking Nýja testamentisins á fullkomnun.
© 2023 Intellectual Reserve, Inc. Allur réttur áskilinn. Printed in USA. Samþykkt á ensku: 6/19. Þýðing samþykkt: 6/19. Þýðing á Monthly For the Strength of Youth Message, February 2023. Language. 18910 190