Molaetsa oa khoeli Bakeng Sa Matlafalo ea Bacha Hlakola 2023

Na re Hloka ho PhethehaHona Joale?

Moholo Jeffrey R. Holland

Oa Lekhotla la Ba-Apostola ba Leshome le Metso e ´Meli

Moholo Jeffrey R. Holland

Ho tsoa ho Puo ea seboka se akaretsang sa Mphalane 2017

Mohlankana o bala mangolo a halalelang

Lits´oants´o ka Emily E. Jones

Mangolo a halalelang a ngotsoe ho hlohonolofatsa le ho re khothatsa ´me kannete a etsa joalo. Empa na u kile ua hlokomela hore hangata temana e tla hlaha e re hopotsa hore rea fosa? Mohlala: “´Me joale phethehang, joalo ka ha Ntat´a lona…ea maholimong a phethehile” (Mattheu 5:48). Ka taelo eo, re batla ho khutlela betheng ´me re ipate lihlooho ka likobo. Sepheo se joalo sa celestiale se bonahala se le hole le phihlelo ea rona. Empa kannete Morena a ke ke a re fa taelo eo a tsebang hore re tla sitoa ho e boloka.

Moroetsana ka sekhele har´a pula

“E, tlong ho Kreste, ´me le phethehe ho Eena,” Moroni o oa kopa. “Rata Molimo ka matla oohle ea hau, le mohopolo, ebe… ka mohau oa hae le tle le phethehe ho Kreste” (Moroni 10:32; khatiso e kentsoe). Ts´epo ea rona feela bakeng sa phetheho ea ´nete ke ho e amohela e le mpho ho tsoa leholimong—re sitoa ho e “fumana”.

Moroetsana o hloa leralla le ntja

Ntle le bakeng sa Jesu, ha ho so be le liketsahalo tse se nang koli leetong lena leo re le pheeletseng , joale ha re sa le ´meleng o shoang ha re loaneleng ntlafalo e tsitsitseng ´me re leke ho qoba litebello tse phahameng ka rona le ka ba bang.

sekepe sefefong sa leoatle

Ha re phehella, mohlomong kae kae bosafeleng matlafalo ea rona e tla fela le ho fella—e leng tlhaloso ea Testamente e Ncha ea phetheho.

© 2023 ka Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea phetolelo: 6/19. Phetolelo ea Monthly For the Strength of Youth Message, Hlakola 2023. Language. 18910 739