Mulwol Nifan e Fal’ Yangren ko, March 2023

Mired ngak’ Ni’ir

Me pinning Somoel ni ngad ted e magawon rodaed nga dakaen en.

Sasing riy e yib rokʼ Annie Henrie Nader

Matthew 11:28–30

28 Mired ngog, ni gimed gubin e pi’in ke aw parowmed i fek e n’en nib tomal, ni gimed be fek, mu gu’ pi’ e toffan ngomed.

29 Mfeked e mat’ rog, ngam teg nga pomed; mi gimed folwok rog, ya gub munguy ma gub sobut’aen’: mi gimed pir’eg e toffan.

30 Ya re mat’ ni gura pi’ ngomed e bmom, ma tomalngin e ren’en ni gu ra tay nga pomed e bba’ud.”

Mbad Ngog

Rayog ni ngad mired ngak e Somoel u dakaen e fil ko machib Rok’, bay e mich rodad ngak’, kalngaen’uy, mel’eg nge fol fapi micheg, nge leak en e susun Rok’.

aw parowmed … n’en nib tomal

Muruwel nge magawon ko dowen ma pii’ e magof, woed rogon e pi’nen ko tafney, thamey, nge thothup. Ma somoel e ma pii’ ngodad e gapas Rok’, ni demtrug e pomed nikad feked.

mat’

E mat’ ir e talen nima tay udakaen l’agruw e gamanman ere ni ngar fek e pi’nen uta’abong, woed e talen ko milay’ fa wagon. Mat’ ney ni bay e ma’bil nib rean nga dakaen poerow e gamanman, nibe thilyeg e tomal riy.

fil

Rayog ni ngad filed marunga’agen Yesus Kristus napan ni ngad filed e machib Rok’ nge susun Rok’—nge guy rogon e rayog rodad ni ngad fol ngorad.

tofan

Tofan rok’ Somoel ir e gapas Rok’, nima mocha’ nag e tafney nge ya’el rodad. Irma ayuwegdad ni ngad gelnag e gafgow ko feyleng nge pii ngodad e gelingin ko ya’el napan gadad ra thamiy e magof.

bmom … bba’ud

Mufek e mat’ rok’ Somoel bayip fan gadad ma m’agdad uta’abang ngak udakaen e pi’ m’ag. Bayip fan ni ngad pii’ urngin e gum’ircha’dad Ngak nge muruwel Rok’. Napan ni ngad rrin’ed biney, me bba’ud nag e magawon bachane Irbe ayuweg ngodad.

© 2023 rok Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren, March 2023. Language. 18905 905