“Openem hat blong yu long Tabu Spirit,” Blong Ol Yut Oli Kam Strong, Epril 2023.
Evri Manis Mesej Blong Ol Yut Oli Kam Strong, Mesej, Epril 2023
Openem hat blong yu long Tabu Spirit
I kam long wan toktok blong jeneral konfrens blong Epril 2018.
Long Ista sesen ia, mi talem tangkyu long Papa long Heven from presen we i Pikinini blong Hem we Hem i Lavem Tumas, we i Hemwan i wantem kam long wol ia blong i stap olsem Ridima blong yumi. Mi glad tumas blong save se Hem i bin pemaot praes from ol sin blong yumi mo i bin girap long Laef Bakegen long Ded. Evri dei, mi kasem blesing blong save se, from Atonmen blong Hem, sam dei, bambae mi laef bakegen long ded blong laef blong oltaem wetem wan famli we oli gat lav.
Mi save olgeta samting ia, tru long wan wei ia nomo we eniwan long yumi bae i save, save olgeta samting ia. Tabu Spirit i bin talem hemia long maen mo hat blong mi, se oli tru—i no wan taem nomo, be plante taem.
Yumi gat Tabu Spirit we i nogat praes we i stap wetem yumi olsem wan kompanion. Be wanem yumi mas mekem, i blong jusum blong openem hat blong yumi blong kasem ol daereksen long saed blong Spirit mo kamfot we i kam tru long Tabu Spirit, truaot wan laeftaem.
Ol pikja i kam long Emily E. Jones
Fas joes hem i blong gat tingting we i stap daon long fes blong God.
Seken wan hem i blong prea wetem fet long Lod Jisas Kraes.
Nambatri i blong obei fulwan.
Nambafo i blong prea blong save ol nid mo hat blong ol narawan mo olsem wanem blong helpem olgeta blong Lod.
Mi prea wetem evri hat blong mi se bambae yufala i harem voes blong Spirit we oli stap sendem i kam long yufala wetem bigfala hat. Mo prea se bae yufala i openem hat blong yufala blong kasem Spirit, blong yufala i save gat glad ia blong gat Hem i olsem kompanion blong yu blong oltaem.
© 2023 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly For the Strength of Youth Message, Epril 2023. Language. 19006 852