“Unzulula Mutshima Weba kudi Nyuma wa Tshijila,” Bua Dikankamika dia Bansonga, Ngondu Muinayi 2023.
Mukenji wa ku ngondu Bua Dikankamika dia Bansonga, Ngondu Muinayi 2023
Unzulula Mutshima Weba kudi Nyuma wa Tshijila
Biangata ku mpungilu munena wa Ngondu Muinayi 2018.
Mu tshikondu etshi tshia Pasaka, Ndi sakidila Tatu wetu wa mu Diûlu bua dipa dia Muanenda Munanga, udi mudiluila kudisua dienda pa buloba bua kuikala Musungidi wetu. Ndi ne kusakidila bua kumanya ne wakatupikula ku mibi yetu ne wakabika ku lufu. Dituku dionsu ndi mubeneshibua bua kumanya ne, kupitshila ku bupikudi buenda, dituku dikuabu ndi mua kubishibua ku lufu bua kuikala bua kashidi mu dîku dinangibua.
Ndi mumanya bintu ebi anu ku mushindu umua ewu yonsu wa kutudi udi mua kubimanya. Nyuma wa Tshijila uvua muakula mu meji anyi ne mu mutshima wanyi bua ne bidi bilelela—kabiyi anu musangu umua to, kadi misangu yonso.
Tudi ne mulayi wa mushinga munena wa Nyuma wa Tshijila bu mutufidi. Butudi nabu mbua kusungula bua kunzulula mitshima yetu bua kupeta misangu yonsu buludiki bua nyuma ne busambi bua Nyuma wa Tshijila matuku onsu a moyo.
Bimfuanyi bia kudi Emily E. Jones
Disungula dia kumpala didi dia kuikala badipuekeshi kumpala kua Nzambi.
Tshibidi tshidi tshia kusambila ne ditabuija mu Mukalenga Yezu Kilisto.
Tshisatu tshidi tshia kutumikila ne kalolo.
Ne tshinayi tshidi tshia kusambila bua kumanya badi ne majinga ne lungenyi lua bakuabu ne mushindu kayi wa kubambuluisha bua Mukalenga.
Ndi nsambila ne mutshima wanyi yonsu ne, nenumvua dîyi dia Nyuma, didi ditumibua kunudi misangu mivula. Ne ndi nsambila bua ne nukangula mitshima yenu misangu yonsu bua kupeta Nyuma bua nupeta disanka dia kuikala nenda bu mushindikiji wenu misangu yonsu.
© 2023 by Intellectual Reserve, Inc. All rights reserved. Mupatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, April 2023. Language. 19006 760