“Kōpeļļo̧k Būruōm̧ n̄an Jetōb Kwojarjar,” N̄an Kōkajoorļo̧k Jodikdik Ro, Epr. 2023.
Ennaan eo an N̄an Kōkajoorļo̧k Jodikdik Ro Kajjojo Allōn̄, Eprōļ 2023
Kōpeļļo̧k Būruōm̧ n̄an Jetōb Kwojarjar
Jān juon kōnono ilo Eprōļ 2018 kweilo̧k eo eļap.
Ilo iien Ijtō in, Ij kam̧m̧oolol Jemedwōj Ilan̄ kōn menin letok eo an Nejin Jitōnbōro, eo ekar kelet n̄an itok n̄an laļ in bwe en ad Ripinmuur. Ij m̧ōņōņō bwe ijeļā ke Ekar mej kōn jerawiwi ko ad im kar jerkakpeje. Aolep raan ij jeram̧m̧an n̄an jeļā bwe, kōn Pinmuur eo an, inaaj juon raan jerkakpeje n̄an mour n̄an indeeo ippān baamle eo rej iakwe.
Ijeļā bwe men kein ej iaļ eo wōt kōj kajjojo jemaron̄ jeļā kaki. Jetōb Kwojarjar ekar kōnono ilo kōlmenļo̧kijeņ im būruwō bwe men kein rej m̧ool—ejjab juon wōt kōttan ak elōn̄ kōttan.
Ewōr ippād kallim̧ur eo ejjeļo̧k wōņāān an Jetōb Kwojarjar eo āinwōt juon m̧ōttad. Eddo eo ad ej n̄an kāālet n̄an kōpeļļo̧k būruōd n̄an wōnm̧aanļo̧k wōt n̄an bōk tōl in jetōb eo im kaenōm̧m̧an eo kōn Jetōb Kwojarjar to̧o̧n wōt ad mour.
Kōmeļeļe ko jān Emily E. Jones
Kāālet in jinoin tata ej n̄an ettā im̧aan Anij.
Eo kein karuo ej n̄an jar kōn tōmak ilo Irooj Jisōs Kraist.
Jilu ej n̄an lukkuun pokake.
Im emān ej n̄an jar n̄an jeļā aikuj ko im bōro ko an ro jet im ekōjkan n̄an jipan̄ er ilo etan Irooj.
Ij jar kōn aolepen būrūō bwe kwonaaj ron̄ ainikien Jetōb, eo ekar jilkintok n̄an eok ilo jouj. Im ij jar bwe kwonaaj kōpeļļo̧k būruōm̧ aolep iien n̄an bōk Jetōb bwe kwon bōk lan̄lōn̄ eo An en pād ippam̧ āinwōt eo m̧ōttam̧ aolep iien.
© 2023 jān Intellectual Reserve, Inc. Aolep mālim rej pād ie. Kar būriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, April 2023. Language. 19006 874