« ’A ’īriti i tō ’outou ’ā’au i te Vārua Maita’i », Nō te pūai o te feiā ’āpī, ’Ēperēra 2023.
Parau poro’i tā’āva’e Nō te pūai o te teiā ’āpī ’Ēperēra 2023
’A ’īriti i tō ’outou ’ā’au i te Vārua Maita’i
Nō roto mai i te hō’ē a’ora’a o te ’āmuira’a rahi nō ’Ēperēra 2018.
I teie tau Pāsa, tē ha’amāuruuru nei au i tō tātou Metua i te Ao ra nō te hōro’a o tāna Tamaiti here, tei haere mai i te fenua nei, nā roto i tōna iho hina’aro, ’ia riro ’ei fa’aora nō tātou. Tē māuruuru nei au ’ia ’ite ē, ’ua pohe ’oia nō tā tātou mau hara ’e ’ua ti’a mai i roto i te ti’afa’ahoura’a. Pauroa te mahana ’ua ha’amaita’ihia vau ’ia ’ite ē, maoti tāna tāra’ehara, e nehenehe au e ti’a fa’ahou i te hō’ē mahana nō te ora ē a muri noa atu i roto i te hō’ē ’utuāfare here.
’Ua ’ite au i teie mau mea nā roto i te hō’ē noa iho rāve’a e nehenehe ai ia tātou pā’āto’a ’ia ’ite. ’Ua paraparau mai te Vārua Maita’i i tō’u ferurira’a ’e i tō’u ’ā’au ē, e parau mau te reira—e ’ere hō’ē noa time, e mea pinepine rā.
’Ua fāri’i tātou i te fafaura’a faufa’a rahi a te Vārua Maita’i ei hoa. Tā tātou tītaura’a, ’o te mā’itira’a ïa ’ia ’īriti i tō tātou ’ā’au nō te fāri’i i te arata’ira’a pae vārua tāmau ’e te tāmāhanahanara’a nā roto i te Vārua Maita’i i roto i te roara’a o te orara’a.
Fa’ahōho’ara’a nā Emily E. Jones
Te mā’itira’a mātāmua ’o te fa’aha’eha’ara’a ïa i mua i te Atua.
Te piti, ’o te pure ïa ma te fa’aro’o i te Fatu ia Iesu Mesia.
Te toru’ ’o te ha’apa’o ti’a mau ïa.
’E te maha, ’o te pure ïa nō te ’ite i te mau hina’aro ’e te ’ā’au o vetahi ’ē ’e nāhea ’ia tauturu ia rātou, nō te Fatu.
Tē pure nei au ma tō’u ’ā’au ato’a ’ia fa’aro’o ’outou i te reo o te Vārua, ’o tei tonohia atu ia ’outou na, ma te ’ā’au hōro’a noa. ’E tē pure nei au ē ’ia ’īriti ’outou i tō ’outou ’ā’au i te mau taime ato’a nō te fāri’i i te Vārua ’ia roa’a ia ’outou te ’oa’oa nō te fāri’ira’a iāna ’ei hoa tāmau nō ’outou.
© 2023 nā Intellectual Reserve, Inc. fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Iritira’a nō Monthly For the Strength of Youth Message, April 2023. Language. 19006 895